“Yoshlar oyligi” doirasida prokuror va yoshlar uchrashuvi masofaviy tarzda tashkil qilindi

Shu yilning iyun oyi Oʻzbekistonning barcha hududlarida “Yoshlar oyligi” deb eʼlon qilinib, ushbu oylik doirasida qator madaniy-maʼrifiy tadbir va loyihalarni amalga oshirish rejalashtirilmoqda.

6-iyun kuni tumanimizda shu munosabat bilan yoshlarni  huquqiy,  maʼdaniy-maʼrifiy qoʻllab-quvvatlash hamda ularga munosib shart-sharoitlar yaratib berish maqsadida “Prokuror va yoshlar” masofaviy uchrashuvi tashkil qilindi. Masofaviy uchrashuv tuman prokurori katta yordamchisi Alijon Botirov, Yoshlar ittifoqi tuman Kengashi raisi vazifasini bajaruvchisi Jasur Davletov, “Yoshlar – kelajagimiz” jamgʻarmasi tuman boʻlimi rahbari Pashid Tursunboyevlar hamkorligida tashkil qilindi. Unda muvaffaqiyatga erishgan yosh tadbirkorlar, tadbirkorlikka qiziqayotgan, boshlash istagida boʻlgan yoshlar, yosh fermerlar, uyushmagan yoshlar qatnashishdi.

Uchrashuvda mutasaddilar yoshlarning qiziqishlari, muammolari hamda takliflarini oʻrgandilar.

 Tuman prokurori katta yordamchisi Alijon Botirov oʻz soʻzida mamlakatimizda bugungi kunda yoshlarimiz uchun barcha sohalarda keng imkoniyat va sharoitlar yaratilayotgani, ayniqsa, tadbirkorlik sohasi bilan shugullanish istagida boʻlgan yoshlarimizni qoʻllab-quvvatlashga katta etibor qaratilayotgani, sohaga oid qonunchilikning takomillashtirilayotgani, tadbirkorlik subʼektlariga koʻplab imtiyozlar berilayotgani, ularning huquqiy himoyasini mustahkamlash, moliyaviy qoʻllab-quvvatlash va xizmat koʻrsatish koʻlami kengayayotganini alohida takidlab oʻtdi.

Shundan soʻng, Qilichboy ovulida yashovchi yosh tadbirkorlar D.Qodirovning hozirgi sharoitda xorijiy davlatdan yangi uskunani qay tarzda olib kelish mumkinligi, D.Pahimovaning karantin davrida tadbirkorlik subʼektlariga qanaqa imtiyozlar mavjudligi, Gulzor mahallasida yashovchi yosh tadbirkor Z.Doʻstbekovning karantin davrida kredit soʻndirilishi borasidagi imtiyozlar haqida savollariga tegishlicha javoblar berildi. Qilichboy ovulida yashovchi Sh.Oʻrozimbetova hamda Yangiobod mahallasida yashovchi Sh.Saidahmadovalar ishga joylashishda amaliy yordam berishlarini soʻrab qilgan murojaatlari ham tegishli tashkilotlar bilan kelishilgan holda hal qilinadigan boʻldi.

Uchrashuvda tuman Xalq taʼlimi boʻlimiga qarashli 36-sonli umumtaʼlim maktabi boshlangʻich tashkiloti yetakchisi N.Bozorboyevaning “Mening tomorqam” shiori ostida chellenj tashkil qilish, Doʻstlik mahalla fuqarolar yigʻinida yashovchi B.Arabboyevning yangidan ish boshlayotgan yosh tadbirkorlarga “ONLINE” oʻquv-seminar oʻtkazish takliflari qoʻllab-quvvatlandi.

Masofaviy suhbat davomida yoshlarni qiziqtirgan barcha savollarga misollar bilan javoblar berildi. Erkin muloqot tarzida oʻtgan uchrashuvda yosh avlod vakillar oʻz rejalari, maqsad va intilishlarini bayon etishdi. Shuningdek, mutasaddilar yoshlarni jamiyatda yanada faol boʻlishga, hayotda oʻz oʻrnini topishlpri uchun tinimsiz intilishga daʼvat qilishdi hamda kelgusida mamlakat ravnaqiga munosib hissa qoʻshishlari uchun hayotiy tajribadan kelib chiqib, oʻz taklif va maslahatlarini berdilar.

Tuman hokimligi Axborot xizmati.