ИПАК ҚУРТИ БОҚИШ МАВСУМИ ДАВОМ ЭТМОҚДА
Пиллачилик қадим-қадимдан етти хазинанинг бири ҳисобланиб келинган.
Ҳар йили зиммаларидаги режаларини ортиғи билан адо этиб келаётган бу даромадли соҳа ходимлари жорий йилги мавсумда ҳам ипак қуртлари парвариши билан астойдил шуғулланишмоқда.
Май ойининг 7-10 кунлари оралиғида туманимизнинг турли ҳудудларида ташкил этилган 16 та инкубаторияларда 3768 қути хорижий навли ипак қурти уруғлари жонлантирилиб, 1492 нафар касаначиларга ва 266 та фермер хўжаликларига тарқатилди. Ҳар бир қути ипак қурти учун 240 000 сўмдан мавсум бошида бўнак пули берилди.
Пилла ҳосили йиғиштириб олингач, топширилган ҳар бир килограмм пилла учун 20 минг 400 сўмдан ҳақ тўлаш режалаштирилган.
Пиллакорлар кунни-кун, тунни-тун демай меҳнат қилишмоқда. Боиси, ипак қуртлари улғайгани сайин озуқага, яъни тут баргига эҳтиёж ортади.
Мавсум давомида озуқа тақчиллиги юз бермаслиги учун туманимизда тут плантациялари тобора кенгайтирилмоқда.
Бу йил кўкламда ҳам 343 минг дона тут кўчатлари янгидан экилди ва 50 гектарга яқин майдонда янги тутзорлар барпо этилди.
Туманимизда муҳим тармоқлардан бири ҳисобланмиш пиллачиликдан юқори ҳосил етиштириш ва мўл даромад олиш учун кураш тобора қизғин тус олмоқда.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
