МАМЛАКАТИМИЗ СИЁСАТИДА БОЛА ҲУҚУҚЛАРИ ҲАМИША УСТУВОР
Ўзбекистон Республикаси Конституциясининг 64- ва 65-моддалари бола ҳуқуқларига бағишланган.
Бола ҳуқуқлари тўғрисидаги конвенция талабларини ҳар томонлама ҳаётга татбиқ этиш, Ўзбекистон Республикаси Конституцияси ва қонунларида назарда тутилган болаларнинг ҳуқуқларини амалда кафолатлаш мақсадида Ўзбекистон Республикаси Президентининг “Бола ҳуқуқлари кафолатларини янада кучайтиришга оид қўшимча чора-тадбирлар тўғрисида” Қарори қабул қилинди.
Бола ҳуқуқларига оид қонунчилик доимий равишда такомиллаштирилиб борилмоқда. Сўнгги йилларда бола ҳуқуқларига оид бир қатор янги қонун ҳужжатлари қабул қилинди, мавжуд норматив-ҳуқуқий ҳужжатларга тегишли ўзгартиш ва қўшимчалар киритилди.
Болаларнинг соғлом камол топиши учун, ёш болали аёлларнинг ҳам ҳуқуқлари таъминлаб берилди. Ҳомиладор аёлларни енгилроқ ишга кўчириш орқали эса аёлнинг ва кутилаётган гўдакнинг саломатлиги таъминланади: Меҳнат тўғрисидаги қонун ҳужжатларига кўра, ҳомиладор ва уч ёшга тўлмаган боласи бор аёлларни тунги ишларга жалб қилишга, иш вақтидан ташқари ҳамда дам олиш кунлари ишлатишга ва хизмат сафарларига юборишга йўл қўйилмайди. Бундан ташқари, онасиз қолган болаларни тарбияловчи шахсларга имтиёзлар ва кафолатлар берилиши уларнинг соғлом бўлиб ўсиши, тарбияланиши ва яхши шароитда яшашининг кафолатидир.
Хулоса ўрнида шуни айтиш мумкинки, миллий қонунчилигимизда мустақиллигимизнинг илк йиллариданоқ бола ҳуқуқлари масаласи ўз аксини топиб келаётгани, охирги йилларда қонунчилигимизга киритилаётган ўзгартириш ва қўшимчалар мамлакатимизнинг бола ҳуқуқлари борасида халқаро стандартларни тан олишга тайёр эканлигининг, уларга тўла амал қилиш йўлида бораётганлигининг ёрқин исботидир.
Ж.Бекимбетов,
туман Адлия бўлими бош маслаҳатчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
