Семинарда халқ депутатлари туман Кенгаши депутатлари учун тайёрланган амалий қўлланма тақдим этилди
Туман ҳокимлиги кичик мажлислар залида туман Адлия бўлими томонидан йиғилиш ўтказилди.
28 май куни Ўзбекистон Pеспубликаси Адлия Вазирлиги томонидан ишлаб чиқилган “Маҳаллий Кенгаш депутатлари учун амалий қўлланма” тақдимотига бағишлаб ўтказилган мазкур йиғилиш семинар шаклида бўлиб ўтди. Унда Халқ демократик партияси туман Кенгаши раиси М.Саъдуллаев, “Адолат” социал демократик партияси туман Кенгаши раиси М.Ўрозбоев, Экологик партияси туман Кенгаши раиси С.Содиқов, “Миллий тикланиш” демократик партияси туман Кенгаши раиси Г.Эшимбетова, Тадбиркорлар ва ишбилармонлар ҳаракати–Ўзбекистон либерал-демократик партияси туман Кенгаши депутати Ғ.Эшниязовлар ҳамда туман ҳокимлиги мутахассислари қатнашдилар.
Семинарда Ўзбекистон Pеспубликаси Адлия Вазирлиги томонидан ишлаб чиқилган “Маҳаллий Кенгаш депутатлари учун амалий қўлланма” сининг бугунги кун депутати учун афзаллик ва қулай томонларини тушунтирилди. Шунингдек, Ўзбекистон Pеспубликаси “Халқ депутатлари вилоят, туман ва шаҳар кенгаши депутатининг мақоми тўғрисида”ги ва “Маҳаллий давлат ҳокимияти тўғрисида”ги Қонунларда белгиланган депутатларнинг ваколатлари, уларнинг ҳуқуқ ва мажбуриятлари, депутатларнинг ўз ваколатларидан қандай фойдаланиш кераклиги, тартиби юзасидан берилган тавсиялар ҳақида батафсил маълумот берилди.
Семинар якунида депутатларга Ўзбекистон Pеспубликаси Адлия Вазирлиги томонидан ишлаб чиқилган “Маҳаллий Кенгаш депутатлари учун амалий қўлланма” тарқатиб берилди.
М.Матюсупов,
туман Адлия бўлими бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
