Seminarda xalq deputatlari tuman Kengashi deputatlari uchun tayyorlangan amaliy qoʻllanma taqdim etildi
Tuman hokimligi kichik majlislar zalida tuman Adliya boʻlimi tomonidan yigʻilish oʻtkazildi.
28-may kuni Oʻzbekiston Pespublikasi Adliya Vazirligi tomonidan ishlab chiqilgan “Mahalliy Kengash deputatlari uchun amaliy qoʻllanma” taqdimotiga bagʻishlab oʻtkazilgan mazkur yigʻilish seminar shaklida boʻlib oʻtdi. Unda Xalq demokratik partiyasi tuman Kengashi raisi M.Saʼdullayev, “Adolat” sotsial demokratik partiyasi tuman Kengashi raisi M.Oʻrozboyev, Ekologik partiyasi tuman Kengashi raisi S.Sodiqov, “Milliy tiklanish” demokratik partiyasi tuman Kengashi raisi G.Eshimbetova, Tadbirkorlar va ishbilarmonlar harakati–Oʻzbekiston liberal-demokratik partiyasi tuman Kengashi deputati Gʻ.Eshniyazovlar hamda tuman hokimligi mutaxassislari qatnashdilar.
Seminarda Oʻzbekiston Pespublikasi Adliya Vazirligi tomonidan ishlab chiqilgan “Mahalliy Kengash deputatlari uchun amaliy qoʻllanma” sining bugungi kun deputati uchun afzallik va qulay tomonlarini tushuntirildi. Shuningdek, Oʻzbekiston Pespublikasi “Xalq deputatlari viloyat, tuman va shahar kengashi deputatining maqomi toʻgʻrisida”gi va “Mahalliy davlat hokimiyati toʻgʻrisida”gi Qonunlarda belgilangan deputatlarning vakolatlari, ularning huquq va majburiyatlari, deputatlarning oʻz vakolatlaridan qanday foydalanish kerakligi, tartibi yuzasidan berilgan tavsiyalar haqida batafsil maʼlumot berildi.
Seminar yakunida deputatlarga Oʻzbekiston Pespublikasi Adliya Vazirligi tomonidan ishlab chiqilgan “Mahalliy Kengash deputatlari uchun amaliy qoʻllanma” tarqatib berildi.
M.Matyusupov,
tuman Adliya boʻlimi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
