Сектор раҳбарлари эҳтиёжманд оилаларга чорва моллари тарқатди

Мамлакатимизда ҳозирги пандемия шароитида аҳолининг ижтимоий ҳимояга муҳтож қатламини қўллаб-қувватлаш масаласига алоҳида эътибор қаратилмоқда. Ҳудудларда вақтинча ишламаётган ва ёрдамга муҳтож оилаларни аниқлаб, уларни манзилли асосда озиқ-овқат ва эҳтиёж учун зарур бўлган бошқа маҳсулотлар билан таъминлаш кўламини янада кенгайтириш, шундай ижтимоий ҳимояга муҳтож аҳоли қатламининг яшаш шароитлари яхшиланишига ёрдам кўрсатиш борасида қатор самарали ишлар қилинмоқда. Давлатимиз раҳбари томонидан илгари сурилган “Саховат ва кўмак” умумхалқ ҳаракати доирасида амалга оширилаётган ишлар фикримизнинг далилидир.

Бутун юртимизда бўлгани каби туманимизда ҳам ушбу хайрли ташаббус доирасида кўплаб ишлар амалга оширилмоқда. Мутасадди раҳбарлар жойлардаги кам таъминланган, пандемия шароитида ишсиз қолган, эҳтиёжманд оилаларни аниқлаб, уларга ҳар томонлама ёрдам қўлини чўзмоқда. Хусусан, шу мақсадда 7 май куни тўртта сектор ҳудудидаги ёрдамга муҳтож оилалар аниқланиб, ушбу оилаларга чорва моллари тарқатилди.

Жумладан, 1-сектор ҳудудидаги Тўлқин, Чойкўл, Босув овулларида яшовчи 3 та эҳтиёжманд оилаларга ҳомий ташкилотлар – “Тўлқинли Исмоил чорвадор” фермер хўжалиги, “Соатов Отабек” агрофирмаси ҳамда “Aвазбек Ғайрат” масъулияти чекланган жамияти томонидан жами 11 млн. сўмлик ўн беш бош эчки, 2 бош қорамол ёрдам тариқасида берилди.

Aна шундай саховат ва кўмак 2-сектор ҳудудида яшовчи 7 та ёрдамга муҳтож оилаларга ҳам кўрсатилди. Сектор ҳудудидаги Ўрта қалъа ва Aмир Темур номли овуллар, Боғ, Беш овул, Юқори қишлоқ, Янгиобод, Фаровон маҳаллаларидаги кам таъминланган оилалар аниқланиб, уларга бириктирилган ҳомий корхона-ташкилотлар ўзларининг ҳиммат ва саховат қўлини чўздилар. Хусусан, “Ўртақалъа чорвадори”, “Қиличбой сутбулоқ”, “Ўразимбетова Шаҳноза”, “Сирож Вафаев” агрофирмалари, “Элмурот Дилшодбек Нурбек” масъулияти чекланган жамияти, “Хўжакўл” фермер хўжалиги ва “Aмир Темур чорвадори” масъулияти чекланган жамияти томонидан жами 31 млн. сўмлик, 6 бош қорамол ва 1 бош бузоғи билан соғин сигир ҳудудлардаги 7 та эҳтиёжманд оилаларга ёрдам сифатида берилди.

Шунингдек, бу каби хайрли иш 3- ва 4-сектор ҳудудларида ҳам амалга оширилди. Ҳудудлардаги Қизилчоли, Тош ёп маҳаллаларида ҳамда Қанли овули ва Қум ёп маҳаллаларида истиқомат қилувчи 4 та кам таъминланган оилаларга ҳомийлар “Гаипов Отабек” масъулияти чекланган жамияти, “Aртиков Фарҳод”, “Сапарбоев Музаффар”, “Ешмуратов Султонмурод” фермер хўжаликлари томонидан жами 12 млн. сўмлик 4 бош қорамол кўмак тариқасида берилди.

Таъкидлаш керакки, юртбошимиз томонидан илгари сурилган “Саховат ва кўмак” умумхалқ ҳаракати мамлакатимизда амалга оширилаётган ҳар бир ислоҳот замирида, энг аввало, инсон омили, юртдошларимиз манфаати ётганининг яна бир бор амалий исботи бўлди.

Бугунги синовли кунларда мушкул аҳволда қолган оила ва фуқароларни ўз муаммолари қуршовида ёлғиз ташлаб қўймасликка, Ўзбекистоннинг ҳар бир фуқароси қаерда бўлишидан қатъи назар, доимо давлатимиз ва жамиятимизнинг эътиборини ҳис қилиб туришини таъминлашга ундовчи, мамлакатимизнинг бунга қодирлигини кўрсатувчи, яхши кунларда ҳам, бугунгидай оғир кунларда ҳам бутун халқимиз бир бўлиб, мураккаб аҳволда қолган ватандошимизнинг ёнида туришга чақирувчи хайрли ташаббус бўлди десак, асло янглишмаймиз.

Ч. Арслонова.