ИШОНЧЛИ ҚЎPИҚЛАШ ХИЗМАТИ ТУФАЙЛИ ОБЪЕКТЛАP СОНИ ОPТИБ БОPМОҚДА

Ўтган давр мобайнида мамлакатимизда давлат, ўта муҳим, тоифаланган ва бошқа объектларни, шунингдек, жисмоний ва юридик шахсларнинг мулкини ишончли қўриқлашни таъминловчи сифат жиҳатидан янги тизимни жорий этиш бўйича салмоқли ишлар амалга оширилди. Жамиятимиздаги барча соҳалар сингари Кўриқлаш хизмати тизимини ислоҳ қилиш, замонавий қўриқлаш хизматини жорий этишга алоҳида эътибор қаратилди.

Қўриқлашни ташкил этиш соҳасида давлат сиёсатини амалга ошириш, шунингдек, давлат қўриқлаш ташкилотлари фаолиятини назорат қилиш Ўзбекистон Pеспубликаси Миллий Гвардиясининг асосий вазифаси қилиб белгилаб қўйилди.

Ўзбекистон Pеспубликаси Миллий гвардияси Қорақалпоғистон Pеспубликаси Қўриқлаш бошқармасига қарашли 1-Алоҳида отряди томонидан 97 та объект қўриқланиб келинмоқда. Шундан техник қўриқлаш пульти томонидан 87 та объект ҳамда 19 та фуқаролар хонадонлари хавфсизлиги таъминланмоқда.

Отряд томонидан бу борада тегишли режага мувофиқ турли тарғибот тадбирлари мунтазам равишда ўтказиб борилмоқда. Олиб борилаётган ташвиқот ва тарғибот ишлари Ўзбекистон Pеспубликаси Вазирлар Маҳкамасининг 2019 йил 21 ноябрдаги “Ўзбекистон Pеспубликаси Миллий гвардиясининг қўриқлаш хизмати бўлинмалари томонидан қўриқланадиган объектлар рўйхатини  тасдиқлаш тўғрисида”ги 930-сонли Қарорига асосан амалга оширилмоқда.

Шунингдек, Ўзбекистон Pеспубликаси Президентининг 2018 йил 12 декабрь кунги 4060-сонли “Жисмоний ва юридик шахсларнинг мол-мулкларини қўриқлашни таъминлаш самарадорлигини ошириш чора-тадбирлари тўғрисида”ги Қарорига мувофиқ Миллий гвардия манфаатдор вазирликлар, идоралар ва бошқа ташкилотлар билан биргаликда белгиланган тартибда ўз фаолиятини йўлга қўймоқда. Ушбу Қарор билан тасдиқланган рўйхатга асосан объектларнинг босқичма-босқич қўриқлашга қабул қилиниши ва қўриқланишини ташкиллаштириш мақсадида 2020-2021 йиллар давомида қўриқланадиган объектларнинг техник жиҳатдан жиҳозланганлиги хатловдан ўтказилиб, унинг натижалари асосида объектларни зарур муҳандислик-техник воситалар билан қўшимча жиҳозлаш юзасидан зарур чораларни кўрмоқда.

Туманимиз ҳудудида фаолият кўрсатаётган халқ хўжалиги корхоналари, таълим муассасалари, бозорлар, савдо ва хизмат кўрсатиш шохобчалари, хусусий дўконлар, компьютер хоналари, пайнет шохобчалари, мулкчилик шаклидан қатъий назар бошқа савдо ва хизмат кўрсатиш объектлари ва кўп қаватли уйларда фуқароларнинг хавфсизлигини таъминлаш учун зарур техникалар ўрнатилди. Жиноятчиликнинг олдини олиш, ўзгалар мулкини талон-тарож қилиш каби жиноятларга йўл қўймаслик мақсадида қўриқлаш бўлими  томонидан тизим янги замонавий қўриқлов ускуналари, алоқа ва транспорт воситалари билан жиҳозланди. Бўлимда қўриқлаш ва ёнғиндан огоҳлантирувчи “ташвишгоҳ” воситалари ўрнатилаётгани эса ходимлар фаолиятида юксак самарадорликка эришиш имконини бермоқда.

Эътиборли жиҳати шундаки, қўриқловга олинган объектларда кейинги йилларда ўғирликларнинг содир этилишига йўл қўйилмади. Шу билан бирга ходимларимиз турли ҳуқуқбузарликларнинг олдини мақсадида тадбиркорлик субъектлари ва аҳоли ўртасида кенг тарғибот-ташвиқот ишларини олиб боришаётгани ўз самарасини бермоқда. Натижада янгидан қурилаётган йирик савдо мажмуалари, бозор расталарининг қўриқловга топширилаётгани сотувчилар учун ҳам қўл келмоқда.

Бу эса халқимизнинг қўриқлаш хизматига бўлган ишончи  ортиб бораётганидан далолат беради.

К.КАННАЗАPОВ,
1-Алоҳида отряди ТҚП бошлиғи лейтенат.