ТАЪЛИМ БЕРИБ ТАРБИЯЛАШ – ЗИММАМИЗДАГИ МАСЪУЛИЯТЛИ ВАЗИФА
Олмазор маҳалласида жойлашган 82-сонли умумтаълим мактаби ўтган ўқув йилида ўз фаолиятини бошлади. Олдинлари Гулзор, Олмазор маҳалла болалари 3 та мактабга бўлинишиб ўқишар эди. Бу эса ота-оналарга ҳам, ўқувчиларга ҳам озроқ муаммо туғдирарди. Эндиликда болалар барча шароит, қулайликларга эга бўлган янгидан ташкил қилинган ушбу мактабда таҳсил олмоқдалар.
Бу мактабда тажрибали, юқори малакали ўқитувчилар, жумладан биологиядан Баҳодир Дўсимбетов, математикадан олий тоифали ўқитувчи Бобур Юсупов, рус тилидан тажрибали фидоий ўқитувчи Саъдулла Матчановлар ўқувчиларга сифатли таълим-тарбия беришмоқда. Шунинг билан бирга етук тажрибага эга бошланғич синф ўқитувчилари, куч-ғайратга тўла ёш ўқитувчилар ҳам фаолият олиб бормоқдалар.
Бу масканнинг теварак-атрофи обод, инсон кўнглини яйратади. Манзарали ва мевали дарахтлар билан мактаб янада файзли.
Биз педагоглар таълим сифатини ошириш борасида ҳам астойдил ҳаракат қилмоқдамиз. Ҳар бир фан ойлигида режа асосида ишлар олиб борилмоқда. Жумладан, февраль ойида ҳам тадбирлар олиб борилди. Бошланғич синф ўқитувчилари математикадан “Билимдонлар беллашуви” деб номланган тадбир ўтказдилар. Унда 3-4 синф ўқувчилари қатнашдилар.
Ўқувчилар математикага доир 5 та шарт асосида ўзаро беллашдилар. Шеърий масала, мураккаб тенгламалар, кўп амалли мисоллар ечиш, бошқотирма ечиш, сардорлар беллашувида ўқувчилар ўзаро куч синашди. Бундай тадбирларда ўқувчилар билимли зукко бўлишни ўрганиш билан жамоат жойларда ўзларини қандай тутишни ўрганадилар. Маънавий озуқа оладилар. Одоб-ахлоқ қоидаларини ҳам ўрганадилар.
Таълим бериб тарбиялаш, тарбиялаб таълим бериш биз ўқитувчиларнинг вазифамиздир. Шу боис бу йўлда биз бор куч-ғайратимизни сарфлаймиз, масъулиятни ҳис қилган ҳолда зиммамиздаги бурчни бажаришга ҳаракат қиламиз.
Нодира Собирова, 82-сонли мактаб ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
