Вояга етмаганлар ишлари бўйича туман идоралараро комиссияси йиғилиши ўтказилди
Туман ҳокимлигида вояга етмаганлар ишлари бўйича туман идоралараро комиссиясининг “Вояга етмаганлар ўртасида назоратсизлик ва жиноятчиликнинг олдини олиш ва бу борада 2019 йил давомида амалга оширилган ишлар” муҳокамасига бағишланган йиғилиш бўлиб ўтди.
Йиғилишда туман ҳокими, Вояга етмаганлар ишлари бўйича туман идоралараро комиссия раиси С.Йўлдашев, комиссия аъзолари, туман прокурори Ж.Муфтуллаев, овул ва маҳалла фуқаролар йиғинлари раислари, умумтаълим мактаблари директорлари ва бошқалар иштирок этдилар.
Вояга етмаганлар ишлари бўйича идоралараро комиссия раиси С.Йўлдашев йиғилишни кириш сўз билан очди ва олиб борди.
Кун тартибидаги масала юзасидан қилинган маърузаларда 2019 йилнинг 12 ойи давомида комиссия аъзолари ҳамкорликда ўзларининг вазифалар тақсимотига кўра, вояга етмаганлар ҳуқуқлари, эркинликлари ва қонуний манфаатларини таъминлаш борасида қатор ишлар амалга оширилганлиги таъкидланди. Шунингдек, вояга етмаганларнинг ҳуқуқлари, эркинликлари ва қонуний манфаатларини ҳимоя қилиш, ёшларнинг турли ёт ғоялар қурбонига айланишининг ва улар ўртасида ҳуқуқбузарлик, жиноятчилик, ўз жонига қасд қилиш ҳолатлари содир бўлишининг олдини олиш, оила, маҳалла, таълим-тарбия масканларида таълим-тарбияни тўғри йўлга қўйиш, муносиб шарт-шароитлар яратилиши устидан назоратни кучайтириш мақсадида семинар, давра суҳбатлари, учрашувлар ўтказилиб келинаётгани гапирилди. Умумтаълим ва мактабгача таълим муассасаларида ота-оналар ва уларнинг ўрнини босувчи шахслар иштирокида ўтказилган тадбирларда “Таълим тўғрисида”ги ва “Вояга етмаганлар ўртасида назоратсизлик ва ҳуқуқбузарликлар профилактикаси тўғрисида”ги Қонунларининг мазмун-моҳияти кенг тушунтирилгани айтиб ўтилди.
Ундан ташқари, профилактик ҳисобда турувчи шахслар билан мунтазам равишда ҳамкорликдаги хизмат соҳалар билан профилактик огоҳлантирув ишлари олиб борилаётгани, “Вояга етмаганлар ўртасида назоратсизлик ва ҳуқуқбузарликнинг профилактикаси” Қонуни ижроси юзасидан қатор ишлар амалга оширилаётгани, мавжуд муаммолар секторлар раҳбарлари иштирокида муҳокама қилиниб, тегишли чора-тадбирлар кўрилаётгани тўғрисида батафсил маълумот берилди.
Йиғилишда сўзга чиққан бошқа масъуллар ҳам фарзандлар таълим-тарбиясига эътибор қаратиш, бу борада йўл қўйилаётган камчилик ва муаммоларни бартараф этиш юзасидан ўз фикр-мулоҳазаларини баён этишди.
Йиғилишда муҳокама этилган масалалар юзасидан тегишли чора-тадбирлар белгиланди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
