Фан ойлиги доирасида очиқ дарс ўтказилди
Юртимиздаги барча таълим муассаларида йилнинг ҳар бир ойида маълум бир фанларга оид фан ойликлари ташкил қилинади. Фан ойликлари доирасида деворий газеталар тайёрланиб, турли хил тадбирлар, кўргазмалар, беллашувлар, мусобақалар ўтказилади. Шунингдек, фан ўқитувчилари ойлик доирасида бор педагогик маҳоратларини ишга солиб, очиқ дарслар ўтказишади, бу билан ўқувчиларнинг фанга бўлган қизиқишларини янда оширишади ҳамда бошқа фан ўқитувчилари билан тажриба алмашишади.
Aна шундай фидойи ўқитувчилардан бири туманимиздаги 1-сонли умумтаълим мактабининг информатика фани ўқитувчиси Aноргул Ўрозимбетова математика фани ойлиги муносабати билан очиқ дарс ташкил қилди.
Ўқитувчининг 8-“В” синфда “MS Eхsеlда математик амаллар ва функцияларни қўллаш” мавзусида ташкил этган очиқ дарси жуда қизиқарли тарзда ўтди.
Очиқ дарсда замонавий педагогик технологиялардан, ноанъанавий таълим методларидан фойдаланилди. Хусусан, “Галерея”, “Aқлий ҳужум”, “Ким топқир?” каби таълим методлари дарснинг янада жонланишига, ўқувчиларнинг дарс жараёнида фаол иштирок этишларига хизмат қилди.
Шунингдек, очиқ дарсда ўқувчилар билан кичик гуруҳларда ишлаш методидан фойдаланилди. Бу метод ўқувчиларда эпчиллик, топқирлик, уддабуронлик қобилиятларини янада ривожлантирди.
Дарсда деярли барча ўқувчилар фаол иштирок этдилар. Ўқитувчи очиқ дарсда билими, топқирлиги, фаоллиги билан ажралиб турган ўқувчиларни рағбатлантирди. Математика фани ойлиги доирасида ўтказилган очиқ дарс ўқувчиларнинг фандан олган билимларини янада мустаҳкамлаб, тушунчаларини кенгайтирди.
Чарос Aрслонова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
