Табиий фанлар бўйича профессор-олимлар билан учрашув бўлиб ўтди
Барчамизга маълумки, давлатимиз раҳбарининг ёшлар билан учрашувида аниқ белгилаб қўйилган вазифалар ижросини таъминлаш мақсадида мутасадди раҳбарлардан иборат ишчи гуруҳ туманимизга ташриф буюрган эди. Ташриф чоғида ишчи гуруҳ аъзолари ёшларимизнинг барча жабҳаларда олиб бораётган фаолиятлари билан танишдилар. Шу билан бир қаторда ёшларнинг соҳалар юзасидан таклифлари, мурожаатлари тингланди.
Ушбу таклиф ҳамда мурожаатлардан келиб чиқиб, қолаверса, билимга чанқоқ, интилувчан, ижодкор ёшларимизнинг илм-фанга қизиқишларини инобатга олган ҳолда бир гуруҳ профессор-олимлар, илм-фан фидойиларининг тумандаги таълим муассасаларида ёшлар билан учрашувлари ташкил этилмоқда. Учрашувлар давомида таълим соҳасида фаолият юритаётган ўқитувчи ҳамда мураббийлар билан ўзаро тажриба алмашиш учун умумтаълим мактабларида маҳорат дарслари ўтказилмоқда.
22 январь куни 55-сонли умумтаълим мактабида шундай учрашувлардан бири ўтказилди. Учрашувда Ўзбекистон Миллий Университети профессорлари Жўрақул Сатторов ҳамда Шавкат Аҳмедовлар иштирок этди.
Туманимиз аҳолисининг 60 фоизини ёшлар ташкил қилади. Ўқувчи-ёшлар 86 та умумтаълим мактабларида таълим олишмоқда. Шу ўринда таъкидлаш керакки, бугунги кунда туманимиз ёшлари барча жабҳаларда фаол иштирок қилишмоқда. Ўқувчи ёшларнинг таълимга, илм-фанга, билим олишга бўлган қизиқишлари юқори даражада. Бугунги кунда кўплаб амударёлик ёшлар олий таълим муассасаларида таълим олишмоқда ҳамда илм-фан бўйича кўплаб ютуқларни қўлга киритишмоқда.
Қолаверса, ўтган йили Президентимиз ташаббуси билан етук салоҳиятли баркамол авлодни тарбиялаш мақсадида Нукус шаҳрида ташкил қилинган замонавий таълим масканларидан бири бўлган Президент мактабида туманимиз ўқувчи-ёшларидан 13 нафари таълим олиш бахтига муяссар бўлдилар. Бу эса Pеспублика миқёсида жами имтиҳонлардан муваффақиятли ўтган ўқувчиларнинг 10 фоизини ташкил қилади. Ушбу кўрсаткич ҳам туманимиз ёшларининг билим олишга бўлган қизиқишларининг юқори даражада эканлигининг яққол исботидир.
Профессор-олимлар билан бўлган учрашувда табиий фанлар бўйича таълим берадиган 30 нафар ўқитувчи ҳамда мураббийларга маҳорат дарси ташкил қилинди. Маҳорат дарсида таълим жараёнларини ташкил қилишда анъанавийликдан воз кечиш, ўқувчиларга замонавий инновацион педагогик технологиялар асосида таълим бериш бугунги куннинг талаби эканлиги таъкидланди. Қолаверса, ҳар бир мавзуни ҳаётий мисоллар билан тушунтириш ўқувчиларнинг сифатли билим олишларини кафолатлаши алоҳида эътироф этилди.
Маҳорат дарси давомида ўқитувчилар профессорларга ўзларини қизиқтирган саволлар билан мурожаат қилдилар. Қолаверса, олий ўқув юртларига кириш кўрсаткичларини юқори даражага етказиш учун ўқувчиларга қай йўсинда билим бериш кераклиги, таълим жараёнидаги самарадорликни ошириш кабилар юзасидан етарли маълумотларга, тушунчаларга эга бўлдилар.
Профессор-олимлар бу борада мактабнинг юқори синф ўқувчилари билан ҳам суҳбат ўтказдилар. Очиқ мулоқот тарзида олиб борилган суҳбат чоғида ўқувчилар ўзларини қизиқтирган барча саволларга тўлиқ жавобларни олдилар.
Ч.Арслонова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
