Она табиат бағрида ёшлар билан бўлган учрашув қизиқарли ўтди
Сўнгги йилларда ўсиб келаётган ёш авлодни она табиатга меҳр-муҳаббат руҳида тарбиялаш, уларда экологик маданиятни шакллантириш ҳамда атроф-муҳит муҳофазаси, ободонлаштириш ва кўкаламзорлаштириш ишларига онгли муносабатда бўлишларини таъминлаш мақсадида кенг қамровли ишлар амалга оширилмоқда. Хусусан, Ўзбекистон Республикаси ўрмон хўжалиги давлат қўмитаси экология ва табиатни муҳофаза қилиш давлат қўмитаси томонидан олиб борилаётган тизимли ишларнинг мазмун-моҳияти ҳам ёш авлоднинг яшил олам мўъжизалари, муаммоларига оқилона ёндашишини таъминлашдан иборатдир.
Жорий йилнинг 17 январь санасида туман Қипчоқ давлат ўрмон хўжалигининг Қипчоқ бўлимида туман Халқ таълими бўлимига қарашли 11-,29-,39-,47-,75-сонли умумтаълим мактаблари ўқувчилари иштирокида очиқ табиат бағрида табиатшунослик бўйича амалий ва назарий учрашув тадбири ўтказилди. Табиий ўрмон ҳудудида, гулхан атрофида ўтказилган ушбу тадбирда ёшлар она табиатга муносабат, атроф-муҳитни муҳофаза қилиш, кўкаламзорлаштириш ва ободонлаштириш юзасидан билим ва кўникмалари ҳақида мутахассислар билан жонли мулоқотда бўлдилар.
Тадбирда Ўзбекистон Республикаси Ўрмон хўжалиги давлат қўмитаси раисининг ўринбосари Алижон Маматкаримов, Экология ва табиатни муҳофаза қилиш давлат қўмитаси раиси ўринбосари Ўлмас Собиров, Қорақалпоғистон Республикаси ўрмон хўжалиги қўмитаси мутахассиси Рустам Юсупов ҳамда туман ҳокими ўринбосарлари, туман Экология қўмитаси ходимлари, Қипчоқ давлат ўрмон хўжалиги мутахассислари иштирок этишиб, ўқувчи-ёшларга ўрмонларни муҳофаза қилиш, сақлаш ва яшил ҳудудларнинг аҳамияти тўғрисида кенг тушунчалар бердилар. Ўқувчи-ёшларни қизиқтирган саволларга Ўзбекистон Республикаси ўрмон хўжалиги давлат қўмитаси раисининг ўринбосари Алижон Маматкаримов, Экология ва табиатни муҳофаза қилиш давлат қўмитаси раиси ўринбосари Ўлмас Собиров ҳамда Қорақалпоғистон Республикаси ўрмон хўжалиги давлат қўмитаси мутахассиси Рустам Юсуповлар батафсил жавоб бердилар.
Тадбир якунида Қипчоқ ўрмон хўжалиги томонидан 11-,29-,39-,47-,75-сонли мактабларнинг ҳар бирига 40 тадан, жами 200 туп манзарали дарахт кўчатлари берилди ва иштирокчилар ўқувчи-ёшлар билан биргаликда мактаблар ҳудудларига ушбу дарахт кўчатларини ўтқаздилар.
Она табиат бағрида бўлиб ўтган мазкур учрашув тадбири ўқувчи-ёшларда экологик маданиятни юксалтириш, яшил оламга янада меҳрли, эҳтиёткорлик билан муносабатда бўлиш туйғуларини янада мустаҳкамлади.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
