НОДИРБЕК ҲАРБИЙ ХИЗМАТЧИ БЎЛИБ, ЮРТИМИЗ САРҲАДЛАРИНИ ҲИМОЯ ҚИЛМОҚЧИ
Нодирбек болалигидан телевидениеда намойиш этиладиган ҳарбий мавзулардаги кўрсатувларни, бадиий фильмларни қизиқиб томоша қиларди, томоша қилгани сайин кўнглида улғайиб, ҳарбий хизматчи бўлиш, сабот, матонат билан юртимиз сарҳадларини қўриқлаш орзуси мустаҳкамланиб борарди.
Шунинг учун ҳам 2018-2019 ўқув йилида 39-сонли мактабнинг 9-синфини тугатиб, Урганч шаҳридаги “Темурбеклар мактаби” ҳарбий академик лицейига ҳужжат топширди ва тест синовларида энг юқори балл тўплашга эришди.
У айни кунда лицейнинг фаол ва билимдон, интилувчан ўқувчиларининг бири. Қангли овулида туғилиб ўсган ўсмир йигитнинг бундай ютуқларга эришиши бошланғич синф ўқитувчиси бўлиб ишлайдиган онаси Муқаддас Ражабова, Қорақалпоғистон Республика насос станциялари, энергетика ва алоқа бошқармаси “Манғит-Назархон арна” Амударё бўлимида ишловчи дадаси Аҳмадбой Фозиловларнинг фарзандларини илмли, одобли ва юртига фидойи қилиб тарбиялаш борасидаги саъй-ҳаракатларининг натижаси, десак муболаға бўлмас. Боиси, Нодирбекнинг опаси – оиланинг тўнғич фарзанди Шаҳзода ҳам Нукус давлат Педагогика институтининг хорижий филология факультетида аъло баҳоларга ўқияпти.
Фарзандингнинг яхши кунларини кўришдан улкан бахт йўқ ота-она учун. Буни, айниқса, Нодирбек “Темурбеклар мактаби”да қасамёд қабул қилган дамларда чуқур ҳис қилдим. У лицейни тугатиб олий ҳарбий билим юртда ўқиб, юртимизга хизмат қилмоқчи, – дейди унинг дадаси Аҳмадбой Фозилов.
Биз Нодирбекнинг орзулари ушалишига тилакдош бўлиб қоламиз.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
