“Янги йилим, яхши йилим” деб номланган байрам тадбири ўтказилди
Янги йил чексиз қувонч, шод-у хуррамлик, шодиёналар билан кутиб олинади. Юртимизнинг барча ҳудудларида янги йилнинг кириб келишини муносиб кутиб олиш мақсадида қизғин тайёргарлик кўрилади. Айниқса, болажонлар, кичкинтойлар ушбу байрамни ўзгача завқ билан қарши олишади. Чунки болалар учун ҳам, катталар учун ҳам бу байрам янада қизиқарли ва жозибадорлиги билан бошқа байрамлардан ажралиб туради.
Туманимизда ҳам Янги йил байрами муносабати билан безатилган арча атрофида турли тадбирлар, катта байрам томошалари ташкил этилди. Ранг-баранг мусиқий дастурлар, турли интеллектуал ўйинлар, қизиқарли томошалар намойиш этилиб, болажонлар эътиборига ҳавола этилди.
Янги йил байрами арафасида 36-сонли мактабда ҳам катта тайёргарлик кўрилди. Мактаб ва синф хоналари янги йилга хос тарзда, байрамона безатилди. Ўқувчилар эса янги йилга бағишлаб мактабда ўтказилган катта тадбирда театрлаштирилган мусиқий дастур намойиш этишди ва байрамга янада файз киритиб, барчанинг олқишига сазовор бўлишди. Турли қўшиқлар, рақслар ижро этиб, хуш кайфият улашишди.
Мактабда бошланғич синф ўқувчилари учун ҳам “Янги йилим, яхши йилим” деб номланган алоҳида байрам тадбири ўтказилди. Бошланғич синф ўқитувчилари ва ўқувчилари томонидан тайёрланган ушбу тадбирда янги йил байрамига бағишланган мусиқий дастур намойиш этилди. Унда асосан 2-“В”синф ўқувчилари фаол қатнашишди. Қорбобо ва Қорқиз, турли эртак қаҳрамонлари, масхарабоз либосидаги ўқувчилар байрамона безатилган саҳнада куй-қўшиқлар, рақслар, янги йил ҳақида шеърлар ижро этдилар. Ўқувчилар ижросидаги “Ассалом, Янги йил!” қўшиғи, “Масхарабоз”, “Хуш келибсан, Янги йил” рақслари томошабинлардаги байрамона руҳни янада кўтарди ва тадбирга ўзгача файз киритди. Ўқувчилардан Беҳруз Баҳодиров, Қундуз Жумамуродова, Жўшқин Йўлдошев, Азизбек Фарҳодов, Зилола Адилбоеваларнинг ижролари барчага жуда манзур бўлди. Айниқса, топишмоқ ва тез айтишлар, турли қизиқарли ўйинларда тадбирга ташриф буюрган ота-оналар ҳам завқ билан иштирок этдилар. Ўз навбатида ўқитувчилар ва ота-оналар ўқувчиларни Янги йил байрами билан табриклаб, ўқишларида муваффақият тиладилар. Байрамга бағишлаб ўтказилган ушбу тадбир барчага эсда қоларли дақиқаларни ҳадя этди.
Янги йил — нафақат болалар, ҳатто катталар ҳам ниятлари ижобат бўлишига ишонадиган эртакмонанд байрам. Бу кунда улар болалик аталмиш эртакнинг бош қаҳрамони — Қорбобо билан учрашади. Болажонлар ўзлари севиб ўқийдиган эртакларидаги қаҳрамонларнинг саргузаштлари, эзгуликнинг ёвузлик устидан ғалаба қозониши акс этган саҳна кўринишлари жамланган байрам томошаларини кўришади. Биргаликда хурсандчилик қилишади ва турли совғалар олишади.
Сарагул Юсупова, 36-сонли мактабнинг
бошланғич синф ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
