ИСТЕЪДОДЛИ БОЛАЛАP ОНА ЮPТ ТАЯНЧИ

Давлатимиз томонидан ёшларга қаратилаётган эътибордан фойдаланган ҳолда, иқтидорини намоён этаётган ўқувчилар талайгина. Улардан бири Шаҳло Қуроловадир. У 2005 йили 29 ноябрда Амир Темур овулининг Чорбоғ аҳоли пунктида дунёга келган 2011 йили ҳудуддаги 62-сонли мактабнинг 1-синфига қабул қилинди. Мактаб бўсағасига илк қадам ташлаган кунлариданоқ ўзининг зийраклиги, интилувчанлиги билан ўқитувчиларнинг эътиборини қозонди. Бошланғич синфларда ўқиётган пайтиданоқ она тили ва адабиёт фанига қизиқиши билан ўқувчилардан ажралиб турар эди. “Мустақиллик мадҳи болалар ижодида” республика ижодий ишлар кўрик-танловида иштирок этганида у 4-синф ўқувчиси эди. Мактаб ўқувчилари ўртасида ўтказиладиган “Билимлар беллашуви” туман босқичида она тили ва адабиёт фанидан туманда фахрли 2-ўринни эгаллаганида эса 5-синфда ўқирди. Туман ХТБ ва “Баркамол авлод” болалар маркази ҳамкорлигида ўтказилган “Дилларда Ватан мадҳи” ижодкор ёшлар танловининг  туман босқичида назм йўналиши бўйича 3-ўринни, 2017-2018 йилларда ўтказилган “Билим беллашуви”да яна она тили ва адабиёт фанидан туманда 2-ўринни эгаллади.

Бундан ташқари, Шаҳло ёшлар иттифоқи бошланғич ташкилотининг экология йўналиши сардори. “Зукко китобхон” интеллектуал ўйинининг ҳудудий босқичида “Энг ёш китобхон” номинацияси бўйича диплом билан тақдирланди. У “Жайхун илҳомлари” ННТ томонидан ташкиллаштирилган “Ўзбекистон мафтункор диёр” номли лойиҳа доирасида ёшлар ўртасида ўтказилган “Ўзбекистон – ягона оиламиз” мавзусидаги ижодий ишлар танловида қатнашиб, II даражали диплом билан тақдирланди. Шунингдек у  “Ўзбекистон - умумий уйимиз” шоири  остида ўтказилган “Бағрикенг Ўзбекистон” фестивали туман босқичида фахрли 1-ўринни эгаллади.
Унинг шеърлари “Парвозга шайланган қалдирғочлар” тўпламида 2018 йили чоп этилган. Шу йили Шаҳло “Камалак юлдузлари” болалар ижодий фестивалининг туман босқичида Ф гуруҳи бўйича 2-ўрин ғолиби бўлди. Бундан ташқари, Президентимизнинг 5 та муҳим ташаббусини амалга ошириш мақсадида Ёшлар иттифоқи туман Кенгаши томонидан 10 ёшдан 14 ёшгача бўлган ўсмирлар ўртасида ўтказилган “Мардлар қўриқлайди Ватанни” мавзусидаги иншолар танловида туман миқёсида 1-ўринни қўлга киритди. Жорий йили ўтказилган “Камалак юлдузлари”, “Болалар ижодиёти фестивалида эса Ф гуруҳи бўйича туман босқичида фахрли 1-ўринни эгаллаб, республика босқичига йўлланма олди.

Билимга чанқоқ интилувчан ўқувчи-ёшларимизнинг борлиги биз ўқитувчиларнинг қалбини қувончга тўлдиради, касбимизга бўлган меҳрни янада оширади. Чунки Шаҳло Қуролова каби ёшлар бир куни халқпарвар, ватанпарвар, жасоратли инсонлар бўлиб шаклланадилар. Она Юрт таянчига айланадилар. Устоз учун бундан улуғ бахт йўқ.

Гулгина  Имашева, 62-сонли мактаб ўқитувчиси.