ISTEʼDODLI BOLALAP ONA YuPT TAYaNChI

Davlatimiz tomonidan yoshlarga qaratilayotgan eʼtibordan foydalangan holda, iqtidorini namoyon etayotgan oʻquvchilar talaygina. Ulardan biri Shahlo Qurolovadir. U 2005-yili 29-noyabrda Amir Temur ovulining Chorbogʻ aholi punktida dunyoga kelgan 2011-yili hududdagi 62-sonli maktabning 1-sinfiga qabul qilindi. Maktab boʻsagʻasiga ilk qadam tashlagan kunlaridanoq oʻzining ziyrakligi, intiluvchanligi bilan oʻqituvchilarning eʼtiborini qozondi. Boshlangʻich sinflarda oʻqiyotgan paytidanoq ona tili va adabiyot faniga qiziqishi bilan oʻquvchilardan ajralib turar edi. “Mustaqillik madhi bolalar ijodida” respublika ijodiy ishlar koʻrik-tanlovida ishtirok etganida u 4-sinf oʻquvchisi edi. Maktab oʻquvchilari oʻrtasida oʻtkaziladigan “Bilimlar bellashuvi” tuman bosqichida ona tili va adabiyot fanidan tumanda faxrli 2-oʻrinni egallaganida esa 5-sinfda oʻqirdi. Tuman XTB va “Barkamol avlod” bolalar markazi hamkorligida oʻtkazilgan “Dillarda Vatan madhi” ijodkor yoshlar tanlovining  tuman bosqichida nazm yoʻnalishi boʻyicha 3-oʻrinni, 2017-2018-yillarda oʻtkazilgan “Bilim bellashuvi”da yana ona tili va adabiyot fanidan tumanda 2-oʻrinni egalladi.

Bundan tashqari, Shahlo yoshlar ittifoqi boshlangʻich tashkilotining ekologiya yoʻnalishi sardori. “Zukko kitobxon” intellektual oʻyinining hududiy bosqichida “Eng yosh kitobxon” nominatsiyasi boʻyicha diplom bilan taqdirlandi. U “Jayxun ilhomlari” NNT tomonidan tashkillashtirilgan “Oʻzbekiston maftunkor diyor” nomli loyiha doirasida yoshlar oʻrtasida oʻtkazilgan “Oʻzbekiston – yagona oilamiz” mavzusidagi ijodiy ishlar tanlovida qatnashib, II darajali diplom bilan taqdirlandi. Shuningdek u  “Oʻzbekiston - umumiy uyimiz” shoiri  ostida oʻtkazilgan “Bagʻrikeng Oʻzbekiston” festivali tuman bosqichida faxrli 1-oʻrinni egalladi.
Uning sheʼrlari “Parvozga shaylangan qaldirgʻochlar” toʻplamida 2018-yili chop etilgan. Shu yili Shahlo “Kamalak yulduzlari” bolalar ijodiy festivalining tuman bosqichida F guruhi boʻyicha 2-oʻrin gʻolibi boʻldi. Bundan tashqari, Prezidentimizning 5 ta muhim tashabbusini amalga oshirish maqsadida Yoshlar ittifoqi tuman Kengashi tomonidan 10 yoshdan 14 yoshgacha boʻlgan oʻsmirlar oʻrtasida oʻtkazilgan “Mardlar qoʻriqlaydi Vatanni” mavzusidagi insholar tanlovida tuman miqyosida 1-oʻrinni qoʻlga kiritdi. Joriy yili oʻtkazilgan “Kamalak yulduzlari”, “Bolalar ijodiyoti festivalida esa F guruhi boʻyicha tuman bosqichida faxrli 1-oʻrinni egallab, respublika bosqichiga yoʻllanma oldi.

Bilimga chanqoq intiluvchan oʻquvchi-yoshlarimizning borligi biz oʻqituvchilarning qalbini quvonchga toʻldiradi, kasbimizga boʻlgan mehrni yanada oshiradi. Chunki Shahlo Qurolova kabi yoshlar bir kuni xalqparvar, vatanparvar, jasoratli insonlar boʻlib shakllanadilar. Ona Yurt tayanchiga aylanadilar. Ustoz uchun bundan ulugʻ baxt yoʻq.

Gulgina  Imasheva, 62-sonli maktab oʻqituvchisi.