МАКТАБДА РУС ТИЛИ КЕЧАСИ ЎТКАЗИЛДИ
ўрта таълим мактабларида ўқувчиларнинг ҳар бир фанни чуқур ўзлаштиришларига хизмат қилувчи фан ойликларининг аҳамияти жуда катта. Ойлик давомида ўқувчилар учун одатдаги дарс машғулотларидан фарқли очиқ дарслар, қизиқарли викториналар, маънавий- маърифий тадбирлар ташкиллаштирилиб, айнан мазкур фанни кенгроқ ўргатишга ҳаракат олиб борилади. Бунингдек чоралар ўқувчини яна ҳам фаолликка ундайди, ўз устида изланишини, ишлашини таъминлайди ва билимлари кенгайишига замин яратади.
Ноябрь ойи – рус тили фан ойлиги бўлганлиги боис, яқинда мен ҳам ўзим таълим бераётган синфларим ўқувчилари иштирокида рус тили кечаси ўтказдим. Тадбирда дастлаб, рус тилини чуқур билиш аҳамияти ҳақида маъруза қилдим ва ўқувчиларимнинг бунга муносабатини сўрадим. Мени қувонтиргани уларнинг рус тилини ўрганишга чанқоқлиги ва машҳур рус шоирлари шеърларини ифодали ўқишгани бўлди. 3а синф ўқувчилари саҳналаштирган “Бўғирсоқ”, 5 б синф ўқувчилари саҳналаштирган “Тулки ва турна” эртакларининг рус тилидаги талқинини барча йиғилганлар қизиқиб томоша қилдилар .
Тадбир сўнгида фан ойлиги доирасидаги тадбирларни ўтказишда яхши қатнашган ўқувчиларни рағбатлантирганимиз бошқа ўқувчиларни ҳам фаолликка ундагани шубҳасиз. Мактабимизда фан ойлиги доирасида қиладиган ишларимиз ҳали кўп. Амалга оширилаётган ишлар ўқувчиларга рус тилини чуқур ўргатишга қаратилгани билан аҳамиятлидир.
Барно АЗАДОВА, 64 сонли мактаб
рус тили фани ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
