68-сонли мактабда ўзбек тили куни муносабати билан тадбир ўтказилди
Дунёдаги қадимий ва бой тиллардан бири бўлган ўзбек тили асрлар оша халқимизнинг ички маънавий дунёси, инсонийлик оламини ифодалаб келаётган миллий бойлигимиздир. Халқ достонларидаги тимсолларимиз, мақол ва топишмоқлар оламидаги сир- у асрорлар, китобхонни ҳайратга соладиган афсоналар, сеҳрли байтлар, ўтли мисралар, пандномалар ана шу жозибали она тилимизда битилган, унинг бўй-бастини дунёга тараннум этган. Она тилимиз софлиги ва гўзаллигини сақлаб авлодларга етказмоқ ҳар бир инсоннинг муқаддас бурчидир.
Бу йил ўзбек тилига давлат тили мақоми берилганига 30 йил тўлиши муносабати билан барча ҳудудларда кенг миқёсдаги байрам тадбирлари бўлиб ўтди. Туманимиздаги барча умумтаълим муассасаларида ушбу сана муносабати билан кўплаб тадбирлар, адабий-бадиий кечалар, мушоиралар, шеърхонлик кечалари ўтказилди.
Туман халқ таълими бўлимига қарашли 68-сонли мактабда 19-октябрь куни “Тил бор экан, миллат барҳаёт” шиори остида катта байрам тадбири ўтказилди. Тадбирда сўзга чиққанлар ўз она тилимиз имкониятларидан ўринли фойдаланиш борасида олиб борилаётган ишлар, Ўзбекистон Pеспубликаси Конституциясининг 4-моддасида “Ўзбекистон Pеспубликасининг Давлат тили ўзбек тилидир”деб белгилаб қўйилганлиги тўғрисида сўз юритдилар. Ўзбек тилининг бой имкониятлари ва жозибасини сингдириш, уни бошқа тиллар билан аралаштирмасдан соф ҳолда сақлаш, ҳурмат қилишга ўргатиш мавзусидаги маърузалар тингланди ва она тилимизни улуғловчи шеърлар, адибларимизнинг ибратли сўзлари ижро этилди.
Тадбирда ушбу мактабда анча йиллар меҳнат қилган фахрий устозлардан бири Маҳмуд Ўразимбетов, Бўзёп ОФЙ мутахассиси Гулзода Кубаевалар ҳам иштирок этишди.
Тадбир давомида мактабнинг кичик синф ўқувчилари она тилимизни мадҳ этувчи шеърларни ифодали ёд айтдилар, Ватан ҳақида қўшиқлар куйлаб, рақслар ижро этдилар. Она тили ҳақидаги ҳикматли сўзлар, мақоллар ва гўзал шеърларни айтишди. Мактаб бадиий ҳаваскорлари ижросидаги тил байрамига бағишланган махсус концерт дастури барчага хуш кайфият бағишлади. Юқори синф ўқувчилари она тилимизни мадҳ этувчи куй-қўшиқлар ижро этишди.
Ирода Эрдошева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
