Отабек Pаҳимбоев – “Ёш блогер” танлови ғолиби бўлди
Ёшлар таълим-тарбиясини юқори поғонага кўтариш, уларнинг бўш вақтларини мазмунли ташкил этиш ва иқтидорли ёшларни спорт, театр, мусиқа, китобхонлик, ижодга, бошқа маънавий-маърифий тадбирларга жалб этиш ва ёшлар маънавиятини юксалтириш борасида Юртбошимиз белгилаб берган бешта ташаббус ижросини таъминлаш мақсадида яқинда Ўзбекистон Pеспубликаси Олий ва ўрта махсус таълим вазирлиги қарорига мувофиқ Тошкент шаҳрида республика талабалар фестивали ўтказилди.
Бешта муҳим ташаббус доирасида “Жонажон Ўзбекистоним, мангу бўл омон” шиори остида ўтказилган республика талабалар фестивалида мамлакатимизда фаолият юритаётган олий таълим муассасаларининг энг фаол, зукко ва иқтидорли талабалари иштирок этдилар ва мусиқа, санъат, спорт, ҳунармандчилик, ахборот коммуникация техлогиялари, китобхонлик, ижодкорлик борасидаги ўзларининг салоҳиятларини намойиш этдилар.
Ушбу нуфузли анжуманда туманимизнинг Қиличбой овулида туғилиб ўсган, Қорақалпоқ давлат университетининг география ва табиий ресурслар факультети 3-босқичида таҳсил олаётган Отабек Pаҳимбоев ҳам иштирок этди.
Эътиборлиси, у мазкур анжумандан фаол иштироки учун “Фахрий ёрлиқ” ва “Ёш блогер” танловида “Энг яхши таҳлилий мақола” йўналиши бўйича эса биринчи ўринни эгаллаб, махсус диплом билан тақдирланди.
Уч кун давом этган талабалар фестивали юртимиз олий таълим муассасаларида таълим олаётган ёшларнинг иқтидори, билими, интелектуал салоҳиятини намойиш этибгина қолмай, улар орасида ўзаро дўстлик ришталарини ҳам мустаҳкамлади.
Интилувчан ёш блогер Отабек Pаҳимбоев эришган ютуқ эса барча амударёликлар учун фахрдир.
Ойгул Pажабова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
