ҚАНГЛИ ОВУЛ ФУҚАРОЛАР ЙИҒИНИ ҲУЗУРИДА ЯНГИ КУТУБХОНА ТАШКИЛ ЭТИЛДИ
19 июль куни Амударё туманининг ижтимоий-сиёсий ва оммавий нашри - “Тараққиёт кўзгуси” газетаси иловаси – “Менинг оилам” газетасининг “Инсон ҳуқуқлари – олий қадрият” номли грант лойиҳаси доирасида Қангли овул фуқаролар йиғини ҳузурида ҳуқуқий адабиётларга бой бўлган кутубхона ташкил этилди.
Кутубхона очилиши тадбирини Қангли овул фуқаролар йиғини раиси Рустам Худоёров кириш сўз билан очиб, Қангли овулида кутубхона ташкил этиб, овул аҳолиси маънавий дунёсининг бойишига ва ҳуқуқий билимларининг янада юксалишига кўмаклашишга бел боғлаган туман журналистларига ўз миннатдорчилигини изҳор қилди.
Тадбирда “Тараққиёт кўзгуси” газетаси ходими, журналият Ойгул Ражабова сўзга чиқиб, туман матбуот ва оммавий ахборот воситалари ходимлари томонидан грант лойиҳалари асосида туманда 6 жойда халқ кутубхоналари ташкил этилганлиги, газета, радио ва телевидение орқали аҳоли, айниқса ёшлар ўртасида китобхонлик тарғиботини амалга оширишга алоҳида эътибор берилаётгани ҳақида гапирди.
Шундан кейин “Тараққиёт кўзгуси” газетаси масъул котиби Алламберган Жуманиёзов, овулдаги “Қумёп” маҳалла фуқаролар йиғини раиси Жумабой Матёқубов, меҳнат фахрийси Раъно Аметова, 29-сонли мактаб ўқитувчиси Зайнаб Собирова ва шу мактабнинг 7-синф ўқувчиси Озода Саидбоевалар сўзга чиқдилар.
Овул аҳолиси фуқаролар йиғини қошида 700 тага яқин китоб фондига эга бўлган янги кутубхона ташкил этилганлигидан бениҳоя хурсанд бўлдилар.
М.ХАЛИЛЛАЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
