Амударёлик ёш ижодкор “Ягонасан, муқаддас Ватан!” танловининг Қорақалпоғистон босқичида 3-ўрин ғолиби бўлди
Анъанавий тарзда ҳар йили ўтказиб келинаётган “Ягонасан, муқаддас Ватан!” республика кўрик-танлови Ватанга садоқатни, юртимизда ҳукм сураётган тинч ва осойишта ҳаёт, миллатларо дўстлик ва ҳамжиҳатлик, шукроналикни тараннум этувчи куй ва қўшиқлар яратилишига, ёш ва янги истеъдодларни кашф этишга кенг имконият яратмоқда. Мустақиллик байрами арафасида туманда ҳам кенг миқёсда ўтказилиб келинаётган мазкур танловда турли ёшдаги иқтидорли ижодкорлар ўз ижод намуналари билан қатнашиб келмоқда.
16 июль куни Нукус шаҳрида бўлиб ўтган танловнинг Қорақалпоғистон Республикаси босқичида туманда 1-ўрин ғолиблигини қўлга киритган ёш истеъдод эгаси, “Қиличбой” маданият марказининг доира тўгараги раҳбари Дониёр Бобожонов ҳам иштирок этди. Ёш, жанр ва бошқа чегаралар белгиланмаган, она Ватанни мадҳ этувчи қўшиқлар яратилишига имконият бериш мақсадида ташкил этилиб келинаётган мазкур кўрик-танловда у “Ўзбекистон Ватаним” номли қўшиғини ижро этди ва Республика босқичининг 3-ўрин ғолиблигини қўлга киритди.
Амударёлик ёш ижодкор Д.Бобожонов кўрик-танлов ғолиблари қаторида Қорақалпоғистон Республикаси Маданият вазирлиги томонидан диплом билан тақдирланди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
