“Қорадори – 2019” тадбирлари ўтказилмоқда
Жаҳон миқёсида халққа, миллат келажагига хавф туғдираётган хатарлардан бири бу гиёҳвандликдир. Бу офат инсониятни залолат ботқоғига чўктириб, тубсиз жарликка қулатади. Унинг таъсиридан мамлакатимиз аҳолисини муҳофаза қилиш мақсадида гиёҳванд воситаларнинг ноқонуний айланиши, унинг етиштирилишига қарши мунтазам кураш олиб борилмоқда.
Юртимизда гиёҳванд моддалар етиштирилишига қарши курашиш бўйича турли тадбирлар ўтказилади. Чунки ҳали ҳам одамлар орасида таркибида наркотик моддалар бўлган ўсимликларни экиш, унинг орқасидан мўмай даромад орттиришни кўзлаётганлар топилади.
Ўзбекистон Республикаси Ички ишлар вазирининг биринчи ўринбосари Д.Назармуҳамедовнинг тегишли кўрсатмаси асосида жорий йилнинг 1 майидан 30 июнига қадар 1-босқич республика миқёсидаги “Қорадори - 2019” кенг қамровли тадбири ўтказилиши белгиланган эди. Мазкур кўрсатма талабларини бажариш мақсадида туманда ҳам ИИБ профилактика инспекторларининг Соғлиқни сақлаш идоралари билан ҳамкорлиги йўлга қўйилди. Шунингдек, диспансер ҳисобидаги гиёҳвандликка мубтало бўлган ва муқаддам гиёҳванд моддаларга боғлиқ жиноят содир этган шахслар билан олиб борилаётган профилактик-огоҳлантирув тадбирларининг самарадорлигини янада ошириш бўйича чоралар кўрилди.
Тадбирлар давомида муқаддам гиёҳвандлик моддаларини истеъмол қилиш, олиб кириш ва тарқатиш билан боғлиқ жиноят содир этган шахсларнинг турар жойлари, томорқалари, дала ҳовлилари, хўжалик ва бошқа ер участкалари тўлиқ текширилмоқда. Уларнинг турмуш-тарзи ва хатти-ҳаракатлари назоратга олинмоқда. Бундан ташқари, кенг жамоатчилик билан ҳамкорликда муқаддам жиноят содир этиб, ҳозирги кунда қидирувда бўлган шахсларни ушлаш чоралари кўрилмоқда.
Жазони ижро этиш муассасаларидан озод этилган ва мажбурий даволашга муҳтож гиёҳвандлик касаллигига мубтало бўлган шахсларни белгиланган тартибда махсус даволаш-профилактика муассасаларига жойлаштириш чоралари ҳам кўрилмоқда. Шу қаторда эгасиз ва ҳеч ким яшамайдиган хонадонларда ишратхона ва бангихоналар ташкил этилишининг олдини олиш, бу жойларда жиноят содир этилишига йўл қўймаслик, уларнинг фаолиятига чек қўйиш бўйича тадбирлар белгиланган бўлиб, шу асосда фуқаролар йиғинлари масъуллари билан ҳамкорликда овул ва маҳаллаларда текширувлар ўтказилмоқда.
Гиёҳвандлик, заҳарвандлик ва алкоголизмнинг олдини олиш борасидаги ишларнинг самарадорлигини ошириш мақсадида тумандаги барча корхона ва ташкилотларда, таълим муассасаларида, фуқаролар йиғинларида профилактик-огоҳлантирув тадбирлари кенг тарзда ўтказилиб келинмоқда. Маҳалла фаоллари ва профилактика инспекторлари, уларнинг жамоат тартибини сақлаш бўйича ёрдамчилари билан ҳамкорликда тарғибот ва ташвиқот ишлари олиб борилмоқда. Бу иллатнинг аянчли оқибатлари тўғрисида турли роликлар, кинофильмлар намойиш этилиб, айниқса, ёшларга кенг тушунтирилмоқда ва ундан огоҳ бўлишга даъват қилинмоқда.
Ҳозирги кунда туманимизда “Қорадори - 2019” тадбирлари давом этмоқда.
Орифжон Қосимов, туман ИИБ ҲПБ катта инспектори.
(Иллюстратив фото)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
