"Қизларжон" ўқувчи-қизлар саммити бўлиб ўтди
Шу йил 22 май куни 3-сонли Амударё академик лицейда туман Хотин-қизлар қўмитаси ва Халқ таълими бўлими ҳамкорлигида “Қизларжон” ўқувчи-қизлар саммити бўлиб ўтди.
Тадбирда Қорақалпоғистон Pеспубликаси Вазирлар Кенгаши Pаисининг ўринбосари, Хотин-қизлар қўмитаси раиси З.Ибрагимова, туман ҳокими ўринбосари, Хотин-қизлар қўмитаси раиси М.Ахмедова, халқ таълими бўлими мудири ўринбосари P.Матқурбановлар, шунингдек, “Қизларжон клуби” координаторлари, халқаро, Pеспублика ва Қорақалпоғистон Pеспубликаси фан олимпиадалари ғолиблари, ҳунармандчилик билан шуғулланаётган, инновацион ғоялар муаллифи бўлган, АКТ соҳаси билан шуғулланувчи, фанларни аъло баҳоларга ўзлаштираёт 14-18 ёшдаги 120 нафардан ортиқ ўқувчи-қизлар, Ўзбекистон ёшлар иттифоқининг туман кенгаши сардорлари иштирок этдилар.
Саммит - ўқувчи қизларнинг ижтимоий-сиёсий фаоллигини ошириш, уларни маънавий-ахлоқий тарбиялаш, касб-ҳунарга ўргатиш ва уларни касбга бўлган қизиқишини орттириш, миллий урф-одат ва анъаналар руҳида тарбиялаш, оилавий ҳаётга тайёрлаш, келгусидаги устувор вазифаларни белгилаб олиш, ўқувчи-қизларнинг билим ва кўникмаларини ошириш, илғор тажрибаларини оммалаштириш ва қўллаб-қувватлаш, умумтаълим мактабларидаги “Қизларжон” клублари фаолиятини такомиллаштириш орқали қизларнинг бўш вақтларини самарали ташкил этиш мақсадида ташкил қилинди.
Саммит иштирокчиларининг билим - кўникмаларини ривожлантиришга қаратилган 5 та гуруҳда турли маҳорат дарслари, тадбирлар ва “TED-Ed клубларини ташкил этиш ва юритиш сирлари”, “Soft skils кўникмалари (юмшоқ кўникмаларни ривожлантириш)”, “Замонавий АКТ имкониятлари ва уларни ҳаётга тадбиқ этиш усуллари”, “инновацион менежмент, маркетинг ва PR орқали инвестицияларни жалб этиш”, “қизларнинг репродуктив саломатлиги” каби мавзуларда маҳоратли тренерлар томонидан семинар-тренинглар ташкил қилинди.
Саммит доирасида ўқувчи-қизларнинг қўл меҳнати билан ясалган буюмларнинг кўргазмаси ташкил этилди. Шунингдек, иштирокчилар ҳунармандчилик билан шуғулланаётган хотин-қизларнинг фаолияти билан яқиндан таништирилди.
“Кизларжон” ўқувчи-қизлар саммити якунида барча иштирокчилар, иқтидорли қизлар Хотин-қизлар қўмитаси ва халқ таълими бўлимининг фахрий ёрлиқ ва эсдалик совғалари - китоблар билан тақдирланди.
Саммит ўқувчи-қизларда катта таассурот қолдирди.
Гавҳар ЧИМБАЙЧИЕВА, туман Хотин-қизлар қўмитаси бош мутахассиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
