МИБ ходимлари уруш фахрийларини байрам билан қутлашди
Юртимизда Иккинчи жаҳон уруш қатнашчиларига алоҳида меҳр-мурувват, эътибор қаратилади, Хотира в қадрлаш куни арафасида улар иштирокида учрашувлар ўтказилади. Фахрийлар ёш авлодга ибрат қилиб кўрсатиш, хотираларини тинглаш учун тадбирларга ҳам таклиф этилади. Ундан ташқари, фахрийларнинг хонадонларига ташриф буюрилиб, ҳолидан хабар олинади ва совғалар берилиб, эҳтиром кўрсатилади.
Иккинчи жаҳон урушининг қонли жанг-у жадалларда иштирок этиб, ғалабага ҳисса қўшган “Боғ” маҳалласида яшовчи Й.Ортиқов, Навоий номли маҳаллада яшовчи С.Нуруллаев, Қипчоқ овулида яшовчи Б.Ўтамуродовлар ҳам бугунги кунда эъзозу ардоқда ҳаёт кечиришмоқда.
9 май куни Мажбурий ижро бюроси туман бўлими масъул ходимлари ҳам уруш фахрийларининг хонадонларига бориб, уларни фашизм устидан қозонилган ғалабанинг 74 йиллиги билан қутлашди ва совға-саломлар топширишди, нуронийлар билан дилдан суҳбатлашиб, уруш хотираларини тинглашди.
- Уруш фахрийлари ҳолидан хабар олиш, уларга эҳтиром кўрсатиш бизнинг шарафли бурчимиз, - дейди МИБ туман бўлими бошлиғи ўринбосари, 3-даражали юрист Б.Каллыханов. – Биз ҳам, келгуси авлодлар ҳам улар туфайли мана шундай тинч ва дориломон кунларга етишганимизни асло унутмаслигимиз керак.
Нуроний отахонлар бугунги тинч-осойишта кунлар учун шукроналар айтиб, эътибор учун миннатдорчилик билдирдилар.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
