Бойовул маҳалласида фуқаролар йиғини раиси сайлови ўтказилди
Янги таҳрирдаги “Фуқаролар йиғини раиси (оқсоқоли) сайлови тўғрисида”ги Қонунга мувофиқ, жорий йилнинг май ойида юртимизда фуқаролар йиғинлари раислари сайлови бўлиб ўтади. Ўтган давр мобайнида туманимизда ҳам ушбу муҳим сиёсий жараёнга қизғин тайёргарлик кўрилди.
1 май куни туманимизда “Бойовул” маҳалласидан бошланган ушбу сайлов туман Маданият ва аҳоли дам олиш маркази биносида ўтказилди. Иштирокчилар карнай-сурнай садолари остида кутиб олинди.
Ишчи гуруҳ томонидан давлат органлари, корхона-ташкилотлар мутасаддилари ва сайловчилар номидан қатнашаётган вакиллар иштирокида йиғилиш ўтказилиб, сайловни ўтказиш тартиби белгилаб олинди. Тартибга кўра, котиб, раёсат аъзолари ва саноқ комиссияси сайланди. Шунингдек, “Бойовул” маҳалласи фуқаролар йиғини раислигига қўйилган номзодлар Ҳайитгул Аллақова ҳамда Эркин Ҳусаинов ҳақида батафсил маълумот берилди ва уларнинг маърузаси тингланди. Шунингдек, сайловчиларга овоз бериш тартиби кенг тушунтирилди.
Ўзбекистон Республикаси “Фуқаролар йиғини раиси (оқсоқоли) сайлови тўғрисидаги” Қонунининг 20-моддасида белгиланган меъёрларга асосланиб, “Бойовул” маҳалла фуқаролар йиғини раисини сайлаш яширин овоз бериш орқали амалга оширилди ва энг кўп овоз тўплаган номзод Ҳусаинов Эркин Саъдуллаевич раис этиб тайинланди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
