« ҲАМШИРА – 2019» кўрик-танлови бўлиб ўтди

Аҳолининг репродуктив саломатлигини сақлаш, болалар ва ўсмирлар соғлиғини муҳофаза қилиш тизимини такомиллаштириш, аҳоли ўртасида соғлом турмуш тарзини тарғиб қилиш ҳамда  ҳамшираларнинг билим даражаларини ошириш, туманимиздаги барча хизмат қилаётган ҳамширалар ўртасида ўзаро маданий дўстлик алоқаларини йўлга қўйиш ва уларнинг ижтимоий  фаоллигини ошириш мақсадида ўрта тиббиёт ходимлари ўртасида танлов ўтказиш анъанага айланиб бормоқда. Туманимиздаги марказий шифохона ва кўп тармоқли марказий поликлиника ҳамда 7 та қишлоқ оилавий поликлиника  ва 2та қишлок врачлик пунктларида меҳнат қилаётган ҳамширалар ўртасида “Ҳамшира- 2019” кўрик-танлови ўтказилди. Унда 9 нафар ҳамширалар ўз билимларини ва маҳоратларини намойиш қилдилар.
«ҲАМШИРА – 2019» танловининг туман босқичида  9 нафар ҳамшира  қизлар - қабул бўлимидан Назокат Эгамбергенова, травматология бўлимидан Малоҳат Қурбонбоева, ШТЁ бўлимидан  Малоҳат Қодирбергенова, туғруқхона реанимация пости ҳамшираси Наргиза Қурбонбоева, Бердақ ҚВПдан Жанигул Бадретова, реанимацияси бўлимидан Шаҳноза Қўзибоева, “Тез тиббий ёрдам” бўлимидан Ҳилола Ўрозимбетова, болалар реанимация бўлимидан Омонгул Тўраевалар қатнашдилар. Уларнинг билим ва тиббий маҳоратини ҳакамлар хайъати 10 баллик системада ҳаққоний баҳолаб бордилар.  Ғолибларга туман Тиббиёт бирлашмаси касаба уюшмаси ва маъмурияти томонидан эсдалик совғалар ва фахрий ёрлиқлар берилди. Танловда  биринчи ўринни эгаллаган Шаҳноза Қўзибоева ушбу танловнинг Республика босқичида қатнашиш ҳуқуқини қўлга киритди.

Луиза Янгибоева, туман Тиббиёт бирлашмаси бош ҳамшираси.