ДЕПУТАТ ЎЗ САЙЛОВЧИЛАРИ ИШОНЧИНИ ҚОЗОНАЯПТИ

Халқ депутатлари Амударё туман Кенгаши депутати Баҳром Мадаминов Кенгаш сессияларига масалалар киритишда, 2-Чордара сайлов округи сайловчилари билан тез-тез учрашувлар ўтказиб, уларнинг турмуш шароитлари ва муаммоларини ўрганишда, шунингдек, ЎзХДП депутатлик гуруҳи фаолиятини яхшилашда фаол ҳаракат қилмоқда.

Депутат Б.Мадаминов Халқ депутатлари туман Кенгаши сесияларида фаол қатнашиб, ўзининг фикр ва таклифларини билдириб келмоқда. Жумладан у Халқ депутатлари туман Кенгашининг 43-сессиясида ҳудудий нодавлат нотижорат ташкилотлари фаолиятини давлат томонидан қўллаб-қууватлашни янада яхшилаш мақсадида Ўзбекистон Республикаси Олий Мажлиси ҳузурида ННТ ва фуқаролик жамиятининг бошқа институтларини қўллаб-қувватлаш жамоат фондининг бўлимларини очиш ва нодавлат нотижорат ташкилотларида фаолият юритувчи ходимларнинг ойлик маошларидан даромад солиғига имтиёзлар бериш тўғрисида таклифлар билдирган.

Депутат Б.Мадаминов 2018 йилда туманда ЎзХДП томонидан “Истиқбол” ёшлар қаноти кўрик-танловининг ўтказилишига катта ёрдам берди.

Шунингдек, депутат Баҳром Мадаминов ЎзХДП туман Кенгаши ҳузурида фаолият юритаётган “Тарғиботчилар гуруҳи” аъзоси сифатида “Партиялар имиджи, партиялараро рақобат юритишда сиёсий ғояларнинг акс этиши, тарғибот-ташвиқот ишларининг шакллари ва усуллари”, “2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар Стратегиясида белгиланган “Давлат ва жамоат қурилиши тизимини такомиллаштиришнинг устувор йўналишлари”, “26 июнь – гиёҳвандликка қарши курашиш куни” муносабати билан “Биз – гиёҳвандликка қаршимиз!”, “Ўзбекистон Республикаси мустақиллигининг 27 йиллик байрами муносабати билан “Азиз ва ягонамсан, жонажон Ўзбекистоним” ва яна кўплаб мавзулардаги ўқув-семинарлари, давра суҳбатлари ва тадбирларда фаол қатнашиб келди.

Б.мадаминов ўзи депутатликка сайланган 2-Чордара сайлов округи сайловчилари билан мунтазам равишда учрашувлар ўтказиб келаяпти. У 2018 йилда 28 нафар фуқарони қабул қилиб, уларнинг мурожаатларини ўрганиб чиқди ва депутатлик ваколатига оид масалаларни ижобий ҳал қилишга эришилди.

2-Чордара сайлов округи сайловчилари ўз депутатлари – Баҳром Мадаминовнинг фаолиятидан, унинг сайловчиларга бўлган эътиборидан миннатдор бўлишмоқда.

Бу – сайловчиларнинг ўз депутатига бўлган ишончи ҳисобланади.

А.Жуманиёзов.