Наврўз байрами туманимизда юқори ва кўтаринки кайфиятда нишонланди
Элимизга янгиланиш ва яшариш фасли – баҳор айёми кириб келди. Ўлкамизда дарахтлар уйғониб, ўриклар оппоқ гулларга бурканган. Баҳор таровати дилларга хуш ёқувчи ўзгача туйғуларни ҳам олиб келгандек гўё. Баҳорнинг энг гўзал байрами бўлмиш Наврўзи айём шукуҳи бутун Республикамиз бўйлаб кезмоқда. Юртимизда Наврўз байрами муносабати билан сайллар ва сумалак қайнатиш маросимлари ташкил этилиб, байрамона ва кўтаринки кайфиятда давом этмоқда.
ҳам Наврўз байрами кенг нишонланди. Байрам муносабати Манғит истироҳат боғи ва Марказий ўйингоҳда юртимиз аҳли учун катта байрам сайли ташкил этилди.
боғида мактабгача таълим муассасалари томонидан тайёрланган кўргазма ва байрам дастури намойиш этилди. Шунингдек, тумандаги фермер хўжаликлари, тадбиркорлар томонидан етиштирилган маҳсулотлар, ўзини ўзи бошқариш органлари ҳамда академик лицей, касб-ҳунар коллежлари, умумтаълим мактабларининг миллий таомлар, қўл меҳнати билан тайёрланган буюмлари билан безатилган кўргазмалари ташкил қилинди.
Байрам томошаси Марказий ўйингоҳда “Ассалом, Наврўз! ” мусиқий дастур билан давом эттирилди. Байрам дастурида туман Маданият маркази томонидан махсус тайёрланган куй ва қўшиқлар, кўнгилочар миллий ўйинлар, рақслар, урф-одат намуналари акс этган кўринишлар билан бирга миллатлараро тотувлик, бирдамлик ва дўстликни акс эттирган турли миллатга хос чиқишлар ижро этилди.
Туманимиз спортчилари намойиш этган байрамона томошалар ҳам байрам дастурига ўзгача файз киритди. Байрамга туман санъаткорлари, шунингдек, Нукус шаҳридан таниқли санъаткорлар ташриф буюриб, баҳор, Наврўз, Ватанни тараннум қилган куй-қўшиқлари билан дилларни хушнуд этдилар.
Наврўз сайли ниҳоятда завқли ўтди ҳамда туманимиз аҳлига байрамона ва кўтаринки кайфият бахш этди.
О.Абдуллаев.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
