Navroʻz bayrami tumanimizda yuqori va koʻtarinki kayfiyatda nishonlandi
Elimizga yangilanish va yasharish fasli – bahor ayyomi kirib keldi. Oʻlkamizda daraxtlar uygʻonib, oʻriklar oppoq gullarga burkangan. Bahor tarovati dillarga xush yoquvchi oʻzgacha tuygʻularni ham olib kelgandek goʻyo. Bahorning eng goʻzal bayrami boʻlmish Navroʻzi ayyom shukuhi butun Respublikamiz boʻylab kezmoqda. Yurtimizda Navroʻz bayrami munosabati bilan sayllar va sumalak qaynatish marosimlari tashkil etilib, bayramona va koʻtarinki kayfiyatda davom etmoqda.
ham Navroʻz bayrami keng nishonlandi. Bayram munosabati Mangʻit istirohat bogʻi va Markaziy oʻyingohda yurtimiz ahli uchun katta bayram sayli tashkil etildi.
bogʻida maktabgacha taʼlim muassasalari tomonidan tayyorlangan koʻrgazma va bayram dasturi namoyish etildi. Shuningdek, tumandagi fermer xoʻjaliklari, tadbirkorlar tomonidan yetishtirilgan mahsulotlar, oʻzini oʻzi boshqarish organlari hamda akademik litsey, kasb-hunar kollejlari, umumtaʼlim maktablarining milliy taomlar, qoʻl mehnati bilan tayyorlangan buyumlari bilan bezatilgan koʻrgazmalari tashkil qilindi.
Bayram tomoshasi Markaziy oʻyingohda “Assalom, Navroʻz! ” musiqiy dastur bilan davom ettirildi. Bayram dasturida tuman Madaniyat markazi tomonidan maxsus tayyorlangan kuy va qoʻshiqlar, koʻngilochar milliy oʻyinlar, raqslar, urf-odat namunalari aks etgan koʻrinishlar bilan birga millatlararo totuvlik, birdamlik va doʻstlikni aks ettirgan turli millatga xos chiqishlar ijro etildi.
Tumanimiz sportchilari namoyish etgan bayramona tomoshalar ham bayram dasturiga oʻzgacha fayz kiritdi. Bayramga tuman sanʼatkorlari, shuningdek, Nukus shahridan taniqli sanʼatkorlar tashrif buyurib, bahor, Navroʻz, Vatanni tarannum qilgan kuy-qoʻshiqlari bilan dillarni xushnud etdilar.
Navroʻz sayli nihoyatda zavqli oʻtdi hamda tumanimiz ahliga bayramona va koʻtarinki kayfiyat baxsh etdi.
O.Abdullayev.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
