Осойишталигимиз - ишончли қўлларда
Ҳаммамизга маълумки, бугунги кунда ҳаётимизнинг ҳар бир жабҳасида ўзгаришлар, янгиланишлар юз бермоқда. Буни ҳар бир маҳалла, ҳар бир хонадон тимсолида ҳам кўриш мумкин. Ҳаётимиз тинч, турмушимиз фаровон, дастурхонимиз тўкин. Шаҳар ва қишлоқларимиздаги бунёдкорлик ишларини кўриб кўзингиз қувонади. Аслида буларнинг бари юртимиздаги тинчлик, осойишталик туфайлидир.
Тинчлик, осойишталик, хотиржамлик! Бу сўзлар замирида жуда катта маъно мужассам. Менинг бобом Жумамурод Ражабов уруш фахрийси эди. Биз кичик пайтларимизда у доимо бир сўзни кўп такрорларди: "Менинг болалигим очарчилик йилларига, йигитлик даврим II жаҳон уруши даврига, ўрта ёшим урушдан кейинги қийин кунларга тўғри келди. Мен кекса ёшимда бўлса ҳам бундай бахтли, тўкин-сочин замонни кўрдим шунисига ҳам шукур. Тинчликнинг, ҳозирги фаровон кунларнинг қадрига етинг, болаларим!”
Мен бобомнинг мана шу гапларининг қанчалик ҳақиқат эканини эндиликда юракдан ҳис қилаяпман. Бобом орзу қилган дориламон замонда яшаётганимдан бахтиёрман.
Биз ёш авлод юртимиз тинчлиги, осойишталигини асраш-авайлаш муқаддас бурчимиз эканини яхши биламиз. Айниқса, ҳарбийларимиз, бугунги кунда армия сафида ўз йигитлик бурчини адо этаётган юртдошларимиз зиммасида жуда катта масъулият бор. Улар бизнинг осойишталигимизни туну кун турли таҳдидлардан ҳимоя қилмоқдалар. Бизнинг маҳалладошларимиз орасида ҳам ана шундай марду майдон йигитларимиз бор. Улар бугунги кунда армия сафида ўзларининг йигитлик бурчини адо этмоқдалар. Дилшодбек Рўзметов, Зокир Собировлар ишлар жумласидандир. Бизлар улар билан ҳар қанча фахрлансак арзийди.
Фурсатдан фойдаланиб, ватанимиз сарҳадларида хизмат қилаётган ҳарбийларимизни бугунги байрамлари билан табриклайман. Уларнинг ватан равнақи, осойишталиги йўлида қилаётган хизматларида омад тилайман.
Фаррух Ишниязов,
"Янгиобод” МФЙ "Маҳалла посбони” жамоат тузилмаси раҳбари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
