Osoyishtaligimiz - ishonchli qoʻllarda
Hammamizga maʼlumki, bugungi kunda hayotimizning har bir jabhasida oʻzgarishlar, yangilanishlar yuz bermoqda. Buni har bir mahalla, har bir xonadon timsolida ham koʻrish mumkin. Hayotimiz tinch, turmushimiz farovon, dasturxonimiz toʻkin. Shahar va qishloqlarimizdagi bunyodkorlik ishlarini koʻrib koʻzingiz quvonadi. Aslida bularning bari yurtimizdagi tinchlik, osoyishtalik tufaylidir.
Tinchlik, osoyishtalik, xotirjamlik! Bu soʻzlar zamirida juda katta maʼno mujassam. Mening bobom Jumamurod Rajabov urush faxriysi edi. Biz kichik paytlarimizda u doimo bir soʻzni koʻp takrorlardi: "Mening bolaligim ocharchilik yillariga, yigitlik davrim II jahon urushi davriga, oʻrta yoshim urushdan keyingi qiyin kunlarga toʻgʻri keldi. Men keksa yoshimda boʻlsa ham bunday baxtli, toʻkin-sochin zamonni koʻrdim shunisiga ham shukur. Tinchlikning, hozirgi farovon kunlarning qadriga yeting, bolalarim!”
Men bobomning mana shu gaplarining qanchalik haqiqat ekanini endilikda yurakdan his qilayapman. Bobom orzu qilgan dorilamon zamonda yashayotganimdan baxtiyorman.
Biz yosh avlod yurtimiz tinchligi, osoyishtaligini asrash-avaylash muqaddas burchimiz ekanini yaxshi bilamiz. Ayniqsa, harbiylarimiz, bugungi kunda armiya safida oʻz yigitlik burchini ado etayotgan yurtdoshlarimiz zimmasida juda katta masʼuliyat bor. Ular bizning osoyishtaligimizni tunu kun turli tahdidlardan himoya qilmoqdalar. Bizning mahalladoshlarimiz orasida ham ana shunday mardu maydon yigitlarimiz bor. Ular bugungi kunda armiya safida oʻzlarining yigitlik burchini ado etmoqdalar. Dilshodbek Roʻzmetov, Zokir Sobirovlar ishlar jumlasidandir. Bizlar ular bilan har qancha faxrlansak arziydi.
Fursatdan foydalanib, vatanimiz sarhadlarida xizmat qilayotgan harbiylarimizni bugungi bayramlari bilan tabriklayman. Ularning vatan ravnaqi, osoyishtaligi yoʻlida qilayotgan xizmatlarida omad tilayman.
Farrux Ishniyazov,
"Yangiobod” MFY "Mahalla posboni” jamoat tuzilmasi rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
