Маҳалла фаоллари учун бир ҳафталик семинар ташкил қилинди
Ўзбекистон Республикаси Президенти Шавкат Мирзиёевнинг 2018 йил 15-16 ноябрь кунлари Қорақалпоғистон Республикасига ташрифи давомида берган топшириқлари ижросини таъминлаш мақсадида 2019 йилнинг 28 январь – 2 февраль кунлари Амударё туманида фаолият юритаётган диний соҳа ходимлари, туман хотин-қизлар қўмитасининг маҳалла фуқаролар йиғинларда фаолият олиб борувчи хотин-қизлар билан ишлаш ва оилаларда маънавий-ахлоқий қадриятларни мустаҳкамлаш бўйича мутахассислари, профилактика инспекторлари ва “Маҳалла посбони” жамоатчилик тузилмаси раҳбарлар учун малака ошириш ўқув-семинарлари ташкил этилди.
Семинар-тренинг машғулотларига дин ишлари бўйича қўмита, Ўзбекистон халқаро ислом академияси, Ўзбекистон мусулмонлари идораси ва Тошкент ислом институти мутахассислари томонидан ташкил қилинган малака ошириш ўқув-семинарларида иштирок этган педагоглар жалб этилди.
Малака ошириш ўқув машғулотлари учун Амударё қишлоқ хўжалиги касб-ҳунар коллежи биносидан 9 та аудитория ажратилди. Ўқув хоналари компьютер ва видеопроекторлар билан жиҳозланди, ўқитувчилар учун алоҳида хона, штаб ва тиббиёт хонаси ташкил этилди ҳамда ўқув машғулотлари ўтказилаётган биноларда барча шароитлар яратилди.
Ўқув машғулотларининг биринчи куни туманда фаолият юритаётган 73 нафар имом-хатиб, имом-ноиблар ва маҳалла имомлари, маҳалла фуқаролар йиғинларида фаолият олиб борувчи туман хотин-қизлар қўмитасининг хотин-қизлар билан ишлаш, оилаларда маънавий-ахлоқий қадриятларни мустаҳкамлаш бўйича 47 нафар мутахассислари, 33 нафар профилакатика инспекторлари ҳамда 49 нафар “Маҳалла посбони” жамоатчилик тузилмаси раҳбарлари иштирок этдилар.
Туман ҳокимлиги томонидан иштирокчиларнинг хавфсизлиги, соғлиги масалаларини ҳисобга олган ҳолда коллежда туман ички ишлар бўлими, ёнғин хавфсизлиги бўлими, туман тиббиёт бирлашмаси ҳамда туман ҳокимлиги масъул ходимлари жалб этилди.
28 январь куни ташкил этилган дарсларда Қорақалпоқ давлат университети ва Нукус давлат педагогика институти профессор-ўқитувчилари, Муҳаммад ал-Беруний номидаги ўрта махсус ислом билим юрти ўқитувчилари, Қорақалпоғистон Республикаси мусулмонлари қозиёти мутахассислари машғулот ўтдилар.
Ўқув машғулотлари давом этмоқда.
Дилдора Абдураҳмонова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
