Судланганлик ёки судланмаганлик ҳолати бўйича маълумотнома эндиликда Давлат хизматлари марказлари орқали берилмоқда
Мамлакатимизда давлат хизматлари кўрсатиш тизими изчиллик билан такомиллаштирилмоқда ва модернизация қилинмоқда. Бу эса ўз навбатида аҳолининг ҳаёт сифати, инвестиция иқлими, ишчанлик муҳитини яхшилаш ва бизнесни ривожлантириш имконини бермоқда. Марказ томонидан хизмат кўрсатиш кўлами тобора кенгайтирилиб, халққа қулайлик яратилмоқда. Ўтган йилнинг сентябр ойидан бошлаб жисмоний шахсларга тегишлилиги бўйича талаб қилинадиган муқаддам судланганлиги, жиноий жавобгарликка тортилганлиги, реабилитация қилинмайдиган асосларга кўра жавобгарликдан озод этилганлиги ҳолатига оид маълумотномалар Давлат хизматлари марказлари орқали берила бошлади
Давлат хизматларидан фойдаланиш учун ҳар бир фуқаро Давлат хизматлари марказларига ўзи келиб мурожаат этади ёки давлат хизматларидан электрон тарзда фойдаланиш учун “Ягона интерактив давлат хизматлари портали”да рўйхатдан ўтади. Давлат хизматлари марказига фуқаро ўзи келиб мурожаат қилса, марказ ходими талабгор номидан анкета тўлдиради. Мурожаат ЯИДХП орқали амалга оширилган тақдирда эса, мурожаатчи мустақил равишда ушбу регламентнинг иловасига мувофиқ шаклдаги анкетани электрон равишда тўлдиради.
Анкетага талабгорнинг ёки маълумотнома сўралаётган шахснинг паспорт нусхаси илова қилинади. Учинчи шахслар манфаатида ҳаракат қилинаётганда – нотариал тасдиқланган ишончнома ҳам илова қилинади. Талабгордан бошқа ҳужжатларни талаб қилиш таъқиқланади. Анкета тўлдирилгандан сўнг, талабгор маълумотларнинг тўғрилигини текширилиб, анкетани ўз электрон рақамли имзоси билан тасдиқлайди.
Талабгор Давлат хизматлари маркази ходими ва ЯИДХП томонидан давлат хизматларидан фойдаланиш учун электрон рақамли имзо мажбурий тартибда бўлиши шарт эканлиги тўғрисида олдиндан хабардор қилинади.
Илгари зарурият туфайли судланганлик ёки судланмаганлик тўғрисида маълумотнома олиш учун тегишли жойга мурожаат қилинганидан сўнг, бир ойлаб кутиб юрилишига тўғри келарди. Эндиликда судланганлик ёки судланмаганлик тўғрисидаги маълумотнома олиш бўйича туман Давлат хизматлари марказига мурожаат қилинганидан сўнг, мурожаатчи 2 иш куни мобайнида ушбу ҳужжатга эга бўлади.
Нафиса Худойберганова,
туман Давлат хизматлари маркази бош мутахассиси
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
