ЖИНОЯТ КЕНГ ЖАМОАТЧИЛИК ИШТИРОКИДА МУҲОКАМА ҚИЛИНДИ.
Жиноятчилик ва ҳуқуқбузарликларнинг олдини олиш ва қарши курашишда ҳамжиҳатликда иш олиб бориш муҳим ўрин тутади. Шунингдек, содир этилган жиноятларни маҳаллада кенг жамоатчилик иштирокида муҳокама қилиш катта таъсир ва профилактик аҳамиятга эга ҳисобланади. Зеро, жиноятчиликка қарши курашишда фақат ҳуқуқ-тартибот органларигина эмас, балки кенг жамоатчилик ҳам иштирок этса, самарали натижага эришиш мумкин.
21 январь куни Манғит иқтисодиёт коллежида ҳам туманда жиноятчилик ва ҳуқуқбузарликнинг олдини олиш бўйича кенг жамоатчилик иштирокида йиғилиш ўтказилди. Йиғилишда туман прокурори Ж.Муфтуллаев, туман ҳокими ўринбосари М.Аҳмедова, туман Ички ишлар бўлими бошлиғининг биринчи ўринбосари У.Худойберганов, овул ва маҳалла фуқаролар йиғинлари раислари, фаоллари иштирок этдилар ҳамда жиноят ва ҳуқуқбузарликлар, уларнинг келиб чиқиш сабаблари, бартараф этиш бўйича чора-тадбирлар муҳокама этилди. Шунингдек, яқинда тумандаги маҳаллалардан бирида транспорт воситасини олиб қочиш жинояти содир этилганлиги, уни содир этган шахс ўша пайтда маст бўлганлиги ҳамда ҳеч қандай ижтимоий меҳнат билан шуғулланмаслиги, фақат мавсумий қурилиш ишларида ишлаши, оиласи билан ижара уйда яшаб келаётганлиги тўғрисида батафсил маълумот берилиб, қонунга мувофиқ унга чора кўрилиши, маҳаллаларда шу каби ва бошқа жиноятчиликлар содир бўлишининг олдини олиш бўйича зарур чоралар кўрилиши лозимлиги, аҳолига салбий оқибатлар ҳақида кенг тушунтириш кераклиги таъкидланди.
Туман прокурори Ж.Муфтуллаев, туман ҳокими ўринбосари М.Аҳмедова, туман Ички ишлар бўлими бошлиғининг биринчи ўринбосари У.Худойберганов ҳамда фуқаролар йиғинлари раислари, маҳаллалар фаоллари жиноятнинг келиб чиқиш сабабларини кенг таҳлил қилиб, бу бўйича ўз фикр-мулоҳазаларини билдирдилар.
Йиғилиш якунида билдирилган таклифлар асосида ҳар қандай жиноятчилик ва ҳуқуқбузарликнинг олдини олиш учун зарур чора кўриш бўйича тегишли қарор қабул қилинди.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
