Ноқонуний савдо оқибати
Ўзбекистон Республикаси ҳудудида спирт ва алькоголли маҳсулотларининг ноқонуний равишда ишлаб чиқарилиши ва муомалага киритилишини тартибга солувчи бир қанча меъёрий ҳужжатлар қабул қилинмоқда. Аммо ушбу қонунларга барча фуқаролар ҳам риоя қилавермайди. Ана шундай ноқонуний ҳаракатларнинг олдини олиш, аниқлаш ва бартараф қилишда ҳуқуқни муҳофаза қилувчи органларнинг ҳиссаси катта.
Ушбу йўналиш бўйича Ўзбекистон Республикаси Бош прокуратураси ҳузуридаги СВОЖЖДЛҚК Департаменти Қорақалпоғистон Республикаси Амударё туман бўлими томонидан 2013 йил бошидан шу кунгача олиб борилган тадбирлар натижасида бир 1 ҳолатда жиноят иши қўзғатилиб, ҳуқуқбузардан 361100 сўмлик қўлбола усулда тайёрланган спиртли ичимликлар ҳамда қўлбола ароқлар қопқоқларига елимланган қалбаки акциз маркалари ашёвий далил сифатида олинди.
2013 йил 11 июль куни ўтказилган тадбир натижасида Ўрта-қалъа ОФЙ таркибидаги "Боғ” маҳалласида яшовчи Н.К. Манғит деҳқон бозорида ноқонуний равишда спирт ва спиртли ичимликларни сотиш билан шуғулланиб юрган пайтида унинг ёнидан сотиш мақсадида олинган бир хил рақамдаги қалбаки акциз маркалари ёпиштирилган 4 шиша "Қаратау” этикеткали ароқ, 2 дона 1,5 литрлик пластмасс идишларга солинган 3 литр спирт, 169 дона шиша қопқоқлар, 650 дона ҳар хил ароқ этикеткалари, 140 дона қопқоқ устига ёпиштириладиган плёнкалар ва 44 дона бир хил рақамдаги қалбаки акциз маркалар ашёвий далил сифатида қўлга олинди. Фуқаро Н.К. ўз уйида ноқонуний равишда этил спиртидан қўлбола усулда ароқ ишлаб чиқариб, сотаётганлиги аниқланди ва ЎзР ЖКнинг тегишли моддалари билан жиноят иши қўзғатилиб, жиноий жавобгарликка тортилди.
Фуқароларимизнинг қонунларни яхши билмаслиги уларни жазодан озод қилишга асос бўла олмайди. Агарда улар оммавий ахборот воситаларида эълон қилинаётган ахборотлардан хабардор бўлганларида эди, юқоридаги каби салбий ҳолатлар юз бермаган, фуқаро Н.К. ҳам ноқонуний йўл билан даромад топишга уринмаган бўларди.
И.Ибрагимов.
ЎзР Бош прокуратураси ҳузуридаги СВОЖЖДЛҚК Департаменти туман бўлими суриштирувчиси.
(Фото - http://anons.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
