Мактабгача таълим муассасаси фаолиятидан ота-оналар мамнун
Юксак тафаккур, билим ва маънавиятга эга бўлган баркамол авлодни вояга етказишда мактабгача таълим соҳаси ғоят муҳим аҳамият касб этади. Шу боис соҳага катта эътибор қаратиб келинмоқда.
Холимбег овулидаги 48-сонли мактабгача таълим муассасаси 29-МТМ филиали негизида ташкил этилган бўлиб, айни пайтда кичкинтойлар учун севимли масканга айланишга улгурди. Муассасада айни пайтда асосий гуруҳда 50 нафар, тайёрлов гуруҳида 90 нафар болажонларга тарбия ва таълим бериб келинмоқда. Уларга етук тарбия, сифатли таълим бериш ва сифатли, мазали таомлар тайёрлаш кабилар бўйича 23 нафар ходим шуғулланиб келмоқда.
Муассасада вақтдан унумли фойдаланиб, қизиқарли машғулотлар, байрамлар муносабати билан бадиий-мусиқий тадбирлар ҳам ташкиллаштирилмоқда. Тарбиячилардан Муҳаббат Эшимбетова, Муяссар Матякубова, Ақмарал Болтабоева ҳамда Мадина Асқаровалар Конституция куни ва Янги йил байрами муносабати билан кичкинтойлар иштирокида шеър, қўшиқ ва рақслардан иборат мусиқий дастур тайёрлаб, байрам эрталигиниўтказдилар.
– Тарбияланувчиларнинг ота-оналари ҳам байрам эрталигига ташриф буюриб, тадбиримизни томоша қилдилар – дейди муассаса мудираси Хосият Қурбонбоева. – Ўз фарзандларининг ажойиб чиқишларини кўриб, улар ҳам ниҳоятда завқландилар. Машғулотларимизда кичкинтойларнинг зеҳни янада ортаётганидан, фарзандларига етарли ътибор қаратилиб, янги педагогик услублар асосида тарбия берилаётганидан ота-оналар жуда ҳам мамнун.
Овул ҳудудидаги боғча ёшидаги бошқа болаларни ҳам қамраб олиш ва уларга етук таълим-тарбия бериш мақсадида муассасада янги гуруҳлар ташкил этиш, кенгайтириш мўлжалланмоқда.
Дилдора Абдураҳмонова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
