ҲАРБИЙ ВАТАНПАРВАРЛИК ОЙЛИГИ УЮШҚОҚЛИК БИЛАН ЎТКАЗИЛМОҚДА
2018 йил 13 декабрь куни мамлакатимиз Президенти томонидан қабул қилинган “Ўзбекистон Республикаси Қуролли кучлари ташкил этилганлигининг 27 йиллиги ҳамда Ватан ҳимоячилари кунини нишонлашга тайёргарлик кўриш ва ўтказиш чора-тадбирлари тўғрисида”ги Фармойишда ушбу санани умумхалқ байрами сифатида кенг нишонлаш, аҳоли, айниқса, ёшлар кўнглида миллий армиямизга ҳурмат ва ишонч ҳиссини уйғотиш, она Ватанимиз сарҳадларини ишончли ҳимоя қилаётган аскарларимиздан ўрнак олишга даъват этиш мақсад қилиб қўйилган.
Фармонга мувофиқ мамлакатимизда 2018 йилнинг 15 декабридан 2019 йил 15 январига қадар ватанпарварлик ойлигини, ойлик давомида “Ватан – муқаддас, уни ҳимоя қилиш шарафли бурчдир!” деган ғояни ифода этувчи кўплаб тадбирлар ўтказиш белгиланган эди.
Мазкур вазифаларнинг туманда ижро этилишини таъминлаш мақсадида туман ҳокимининг фармойиши қабул қилинди. Фармойишга мувофиқ туманимизнинг барча ҳудудларида аҳоли, айниқса, ёшларни жалб қилган ҳолда байрам тадбирлари ташкил қилинмоқда.
Таълим муассасаларида эса “Мардлик ва жасорат” мавзусида дарслар ўтказилмоқда.
Бу тадбирларда Ватанимизнинг тинч-осудалигини таъминлашдаги Қуролли кучларнинг ўрни ва аҳамияти, ҳарбий хизматчиларнинг ўз хизмат вазифаларини адо этишдаги жанговар қобилияти ва фидойилиги кенг тарғиб қилинмоқда.
“Ватан – муқаддас, уни ҳимоя қилиш шарафли бурчдир!” деган ғояни ифода этувчи байрам тадбирларида туман Маданият бўлими ходимлари томонидан тайёрланган юртга садоқат ва фидойиликни, она Ватанни, ватанимиз сарҳадларида доимо сергак ва ҳушёр турган аскарларнинг ҳарбий қасамёдига содиқлигини ифода этувчи саҳна кўринишлари, қўшиқ ва рақслар ижро этилмоқда. Бу томошабинлар кўнглида миллий армиямизнинг жанговар қудратига ишонч ҳиссини мустаҳкамламоқда. Бундай тадбирларда ҳарбий хизматчилар оила аъзоларининг ҳам иштирок этаётгани, жанговар – хизмат фаолиятида юқори натижаларни қўлга киритган ҳарбий хизматчиларнинг меҳнати тақдирлангани, шунингдек, туманда ҳарбий ватанпарварлик йўналишида энг яхши фаолият кўрсатган маҳалла, ҳарбий қисмдаги энг яхши Ёшлар иттифоқи бошланғич ташкилоти, энг яхши чақирувга қадар бошланғич тайёргарлик фани ўқитувчиси танловларининг ғолиблари аниқланиб, рағбатлантирилгани тадбирлар аҳамиятини янада оширди.
Бир ой давом этган ҳарбий ватанпарварлик ойлиги тадбирлари халқимизнинг миллий армиямизга, эртанги кунига ишончини мустаҳкамлади, юртимиз тинч-осойишталигини ишончли қўриқлаб турган ҳарбий ўғлонларга ҳурмат-ҳавас туйғуларини оширди ва Ўзбекистон Республика Қуролли Кучлари ташкил этилганлигининг 27 йиллиги байрам тантаналарига уланиб кетди.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
