Туманда йил давомида 29 мингга яқин давлат хизматлари кўрсатилди

Туман Давлат хизматлари маркази томонидан жисмоний ва юридик шахсларга 2018 йил давомида 29 мингга яқин давлат хизматлари кўрсатилди. Янги ва қайта рўйхатдан ўтказишдан ташқари кўрсатилган давлат хизматлари 25,5 мингдан ортиқ, шундан юридик шахсларга кўрсатилган хизматлар 1 минг 150 тадан, жисмоний шахсларга кўрсатилган хизматлар эса 24,4 мингдан ортиқни ташкил қилди.

Шунингдек, электрон рақамли имзо калитларини бериш бўйича 1018 та, болаларни мактабгача таълим муассасаларига навбатга ёзиш бўйича 307 та, фуқароларни жамғариб бориладиган пенсия тизимига ҳисобга қўйиш бўйича 434 та, судланганлик ҳақида маълумотнома бериш бўйича 47 та, жисмоний шахс – солиқ тўловчининг солиқ ва бошқа тўловлардан қарзи йўқлиги (борлиги) ҳақида маълумотнома бериш бўйича 57 та, жисмоний шахсларга стир бериш бўйича 506 та, муҳандислик-коммуникация тармоқларига уланиш бўйича 60 та хизматлар кўрсатилди.

“Обод қишлоқ” дастурига асосан Назархон овули ва Қипчоқ шаҳарчаси аҳолисига 2 минг 422 та давлат хизматлари кўрсатилди.

Айни кунда Марказимизда туман аҳолисига 70 дан зиёд турдаги тезкор, сифатли давлат хизматлари кўрсатилиб, бу ўз навбатида уларнинг вақтларини тежашга, оворагарчиликларнинг олдини олишга хизмат қилмоқда.

Жорий йилнинг 27 октябрида туман Давлат хизматлари маркази учун махсус бино қуриш тўғрисида туман ҳокимининг 650-сонли қарори қабул қилинди ва бино учун ер ажратилди.

Келгуси йилда Марказ ўз биносига эга бўлади ва ташриф буюрувчилар учун қулай шароитлар яратилади.

Фурсатдан фойдаланиб, туманимиз аҳолисини кириб келаётган Янги йил билан қизғин табриклайман, юртимиз тинч, осмонимиз мусаффо бўлсин! Келгуси йилда ҳам юртдошларимизга тезкор ва сифатли давлат хизматлари кўрсатишга ҳаракат қиламиз.

Мансур СОДИҚОВ,

туман Давлат хизматлари маркази директори.