Tumanda yil davomida 29 mingga yaqin davlat xizmatlari koʻrsatildi

Tuman Davlat xizmatlari markazi tomonidan jismoniy va yuridik shaxslarga 2018-yil davomida 29 mingga yaqin davlat xizmatlari koʻrsatildi. Yangi va qayta roʻyxatdan oʻtkazishdan tashqari koʻrsatilgan davlat xizmatlari 25,5 mingdan ortiq, shundan yuridik shaxslarga koʻrsatilgan xizmatlar 1 ming 150 tadan, jismoniy shaxslarga koʻrsatilgan xizmatlar esa 24,4 mingdan ortiqni tashkil qildi.

Shuningdek, elektron raqamli imzo kalitlarini berish boʻyicha 1018 ta, bolalarni maktabgacha taʼlim muassasalariga navbatga yozish boʻyicha 307 ta, fuqarolarni jamgʻarib boriladigan pensiya tizimiga hisobga qoʻyish boʻyicha 434 ta, sudlanganlik haqida maʼlumotnoma berish boʻyicha 47 ta, jismoniy shaxs – soliq toʻlovchining soliq va boshqa toʻlovlardan qarzi yoʻqligi (borligi) haqida maʼlumotnoma berish boʻyicha 57 ta, jismoniy shaxslarga stir berish boʻyicha 506 ta, muhandislik-kommunikatsiya tarmoqlariga ulanish boʻyicha 60 ta xizmatlar koʻrsatildi.

“Obod qishloq” dasturiga asosan Nazarxon ovuli va Qipchoq shaharchasi aholisiga 2 ming 422 ta davlat xizmatlari koʻrsatildi.

Ayni kunda Markazimizda tuman aholisiga 70 dan ziyod turdagi tezkor, sifatli davlat xizmatlari koʻrsatilib, bu oʻz navbatida ularning vaqtlarini tejashga, ovoragarchiliklarning oldini olishga xizmat qilmoqda.

Joriy yilning 27-oktyabrida tuman Davlat xizmatlari markazi uchun maxsus bino qurish toʻgʻrisida tuman hokimining 650-sonli qarori qabul qilindi va bino uchun yer ajratildi.

Kelgusi yilda Markaz oʻz binosiga ega boʻladi va tashrif buyuruvchilar uchun qulay sharoitlar yaratiladi.

Fursatdan foydalanib, tumanimiz aholisini kirib kelayotgan Yangi yil bilan qizgʻin tabriklayman, yurtimiz tinch, osmonimiz musaffo boʻlsin! Kelgusi yilda ham yurtdoshlarimizga tezkor va sifatli davlat xizmatlari koʻrsatishga harakat qilamiz.

Mansur SODIQOV,

tuman Davlat xizmatlari markazi direktori.