Саводхонлик байрами
55- сонли мактабда 22 декабръ куни “Алифбе - саводхонлик байрам” тадбири бўлиб ўтди. Тадбирни мактаб директорининг маънавий-маърифий ишлар бўйича ўринбосари Нурбек Ўрозбоев очиб берди. Саводхонлик байрамида 1- А , 1- Б, 1- В синфлар ўқувчилари ва уларнинг ота-оналари қатнашдилар.
Янги йил арчаси атрофида болажонлар Ўзбекистон мадҳиясини жўр бўлишиб куйладилар ва севимли шоирларимиз Абдулла Орипов, Муҳаммад Юсуф, Зулфия, Ҳамид Олимжон, Қуддус Муҳаммадий, Пўлат Мўъмин шеърларини ёддан ўқиб бердилар. Даврага кириб келган Қорбобо ва Қорқиз болажонлар қувончига-қувонч қўшди. Турли хил эртак қаҳрамонлари ҳамда Қорбобо ва Қорқиз билан рақсга тушган кичкинтойларга Қорбобо совғалар улашди. Даврага кириб келган “Алифбе” китоби билан хайрлашиб, Ўқиш китоби ва Она тили китобини тақдим этган устозларига бу фанлардан ҳам аъло ўқиш учун сўз бердилар.
Болажонларнинг устозлари Гулчеҳра Қодирова, Баҳорой Арикова, Насиба Сафарбоеваларга ҳамда мактабнинг мусиқа фани ўқитувчиси Баҳодир Атоевларга ота-оналар чин дилдан миннатдорчилик билдирдилар.
Зуҳра Аҳмедова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
