Ўз хизмат ҳудудим ҳам оилам каби азиз
Мен Янгиобод маҳалласида жойлашган 18-сонли таянч пунктида 2016 йилдан бери ишлаб келаяпман. Шу давр мобайнида маҳалла фуқаролар йиғини масъул ходимлари билан биргаликда ҳудудимизга қарашли 510 та хонадонлар аҳолиси билан уйма-уй юриб жамоат тартибини сақлаш, фарзандлар тарбияси, оила даромадларини ошириш, ободонлаштириш юзасидан тез-тез суҳбатлар ўтказиш жараёнида ҳар бир оила аъзолари ўз яқинларимдай бўлиб қолди. Профилактика инспекторлари фаолияти ўз ҳудудида жиноятларнинг олдини олиш, ҳуқуқбузарликлар содир этилишига йўл қўймасликка хизмат қилади. Бунингдек шарафли ишнинг уддасидан чиқиш учун аҳоли, айниқса, ёшларнинг ҳуқуқий саводхонлигини ошириб, ноқонуний ҳаракатларнинг аянчли оқибатларини оғишмай тушунтириб бораяпман. Натижада ҳудудимизда жорий йилнинг ўтган даврида умумий жиноятчилик содир этилмади.
Мен ҳам ҳудудимни ўз оилам деб ҳисоблайман ва барча аҳоли тинч-осойишта яшаб, юртимиз равнақи йўлида кўнгилли меҳнат қилишларига эришишни ўз бурчим, деб биламан. Чунки тинчлик-осойишталик фаровонлик, юксалишлар, ривожланишлар асосидир.
25 октябрь – Ички ишлар идоралари ходимлари куни муносабати билан барча ҳамкасбларимни қизғин қутлайман ва масъулиятли ишларида муваффақиятлар тилайман.
Жалил Алекеев, 18-сонли таянч пункти
профилактика инспектори, лейтенант.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
