Сектор раҳбарлари томонидан сайёр қабул ташкил қилинди (+фото)
26 сентябрь куни ҳокимлик биносида туманни ижтимоий-иқтисодий ривожлантириш бўича тузилган секторлар раҳбарлари томонидан сайёр қабул ташкил қилинди.
Сайёр қабулда туман ҳокими С.Йўлдашев, туман прокурори Ж.Муфтиллаев, ИИБ бошлиғи Д.Ибрагимов ҳамда ДСИ бошлиғи Б.Камоловлар тегишли ҳудудлар бўйича жисмоний шахслар ва юридик шахслар вакилларининг мурожаатларини тинглади.
Айтиш керакки, туман ҳокими номига шу йилнинг ўтган 9 ойи давомида 652 та мурожаатлар келган. Шу даврда жисмоний ва юридик шахслардан Ўзбекистон Pеспубликаси Президентининг Халқ қабулхоналари орқали жами 159 та мурожаат келиб тушган. Шуларнинг 21 таси қаноатлантирилиб, 134 та мурожаат эгаларига тушунтиришлар берилган. 4 та мурожаат эса айни кунларда кўриб чиқилмоқда.
Виртуал қабулхона орқали эса 232 та мурожаатлар келган. Шуларнинг 8 таси қаноатлантирилиб, 214 та мурожаат эгаларига тушунтиришлар берилган.
Сектор раҳбарлари томонидан ўтказилган сайёр қабулда жами 20 га яқин мурожаатлар тингланди. Мурожаатларнинг аксарият қисмини шахсий ва кундалик маиший муаммолар эмас, балки фуқароларнинг ўзлари яшаётган кўчаларни асфальт қилиш, болалар боғчалари қуриш, тадбиркорлик фаолиятини йўлга қўйиб, халққа хизмат қилиш каби масалаларда ёрдам сўраб қилган мурожаатлари ташкил қилди.
Сайёр қабулда жисмоний ва юридик шахслар томонидан билдирилган мурожаатларни ўрганиш ва тезкорлик билан ҳал қилиш учун тегишли муассаса, корхона ва ташкилотлар раҳбарларига топшириқлар берилди.
Ғ.Ешниёзов
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
