Sektor rahbarlari tomonidan sayyor qabul tashkil qilindi (+foto)
26-sentyabr kuni hokimlik binosida tumanni ijtimoiy-iqtisodiy rivojlantirish boʻicha tuzilgan sektorlar rahbarlari tomonidan sayyor qabul tashkil qilindi.
Sayyor qabulda tuman hokimi S.Yoʻldashev, tuman prokurori J.Muftillayev, IIB boshligʻi D.Ibragimov hamda DSI boshligʻi B.Kamolovlar tegishli hududlar boʻyicha jismoniy shaxslar va yuridik shaxslar vakillarining murojaatlarini tingladi.
Aytish kerakki, tuman hokimi nomiga shu yilning oʻtgan 9 oyi davomida 652 ta murojaatlar kelgan. Shu davrda jismoniy va yuridik shaxslardan Oʻzbekiston Pespublikasi Prezidentining Xalq qabulxonalari orqali jami 159 ta murojaat kelib tushgan. Shularning 21 tasi qanoatlantirilib, 134 ta murojaat egalariga tushuntirishlar berilgan. 4 ta murojaat esa ayni kunlarda koʻrib chiqilmoqda.
Virtual qabulxona orqali esa 232 ta murojaatlar kelgan. Shularning 8 tasi qanoatlantirilib, 214 ta murojaat egalariga tushuntirishlar berilgan.
Sektor rahbarlari tomonidan oʻtkazilgan sayyor qabulda jami 20 ga yaqin murojaatlar tinglandi. Murojaatlarning aksariyat qismini shaxsiy va kundalik maishiy muammolar emas, balki fuqarolarning oʻzlari yashayotgan koʻchalarni asfalt qilish, bolalar bogʻchalari qurish, tadbirkorlik faoliyatini yoʻlga qoʻyib, xalqqa xizmat qilish kabi masalalarda yordam soʻrab qilgan murojaatlari tashkil qildi.
Sayyor qabulda jismoniy va yuridik shaxslar tomonidan bildirilgan murojaatlarni oʻrganish va tezkorlik bilan hal qilish uchun tegishli muassasa, korxona va tashkilotlar rahbarlariga topshiriqlar berildi.
Gʻ.Yeshniyozov
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
