САЙЛОВ КОДЕКСИ ЛОЙИҲАСИ КЕНГ МУҲОКАМА ҚИЛИНДИ
Президентимиз Шавкат Мирзиёев 2017 йил 22 декабрдаги Олий Мажлисга Мурожаатномасида Ўзбекистон Республикасининг сайлов Кодексини ишлаб чиқиш ва қабул қилиш вазифасини қўйган эди.
Шунга мувофиқ ва Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид давлат дастури ижросини таъминлаш мақсадида давлатимиз раҳбари томонидан белгиланган вазифалардан келиб чиққан ҳолда сайлов Кодекси лойиҳаси ишлаб чиқилди.
25 август куни туман ҳокимлигида ушбу лойиҳа муҳокамасига бағишлаб йиғилиш ўтказилди. Йиғилишда Қорақалпоғистон Республикаси Жўқорғи Кенгеси депутатлари А.Байрыева, Х.Ешимбетов, Қорақалпоқ Давлат Университети профессор-ўқитувчиси М.Нажимов сўзга чиқиб, сайлов Кодекси лойиҳаси аҳамияти ва унинг муҳим жиҳатлари, сайлов қонунчилигига киритилаётган янги қоидалар мазмун-моҳияти ҳақида батафсил сўз юритдилар.
Сайлов Кодекси лойиҳасида Ўзбекистон Республикасининг сайловлар бўйича амалдаги “Фуқароларнинг сайлов ҳуқуқлари кафолатлари тўғрисида”ги, “Ўзбекистон Республикаси Олий Мажлисига сайлов тўғрисида”ги, “Ўзбекистон Республикаси Президенти сайлови тўғрисида”ги, “Халқ депутатлари вилоят, туман, шаҳар Кенгашларига сайлов тўғрисида”ги ва “Ўзбекистон Республикаси Марказий сайлов комиссияси тўғрисида”ги Қонунларни унификациялаш кўзда тутилганлиги таъкидланди.
Ҳозирги вақтда лойиҳа Ўзбекистон Республикаси норматив-ҳуқуқий ҳужжатлар лойиҳалари муҳокамаси порталида жамоатчилик муҳокамасига қўйилган. Шунингдек, лойиҳа Ўзбекистон Республикаси Марказий сайлов комиссиясининг расмий сайтида ўзбек ва рус тилида ҳам жойлаштирилган. Сайлов, Кодекси лойиҳаси 2 қисм, 18 боб, 100 моддадан иборат.
Ўзаро мулоқот ва фикр алмашиш шаклида ўтказилган йиғилишда халқ депутатлари туман Кенгаши депутатлари, сиёсий партияларнинг туман Кенгашлари ходимлари, шунингдек, ўтган йиллар давомида бўлиб ўтган сайловларда округ ва участка сайлов комиссиялари таркибида иштирок этган мутасаддилар Кодекс лойиҳаси бўйича ўз таклифларини билдириб, ўзларини қизиқтирган саволларга атрофлича жавоб олишди.
О.ХУДОЙБЕРГАНОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
