ТАДБИРДА МУСТАҚИЛЛИКНИНГ АҲАМИЯТИ ТАРҒИБ ЭТИЛДИ
Айни кунларда туманимизнинг барча ҳудудларида мустақиллигимизнинг 27 йиллиги олдидан байрам тадбирлари бўлиб ўтмоқда. Тадбирларда халқимизни бугунгидай озод, фаровон кунларга етказган, барча бунёдкорликлар, янгиланишларга асос бўлган истиқлолимизнинг қадр-қиммати кенг тарғиб қилинмоқда ана шундай фараҳли кунларнинг абадий бўлмоғи учун огоҳ ва сергак бўлиш лозимлиги тушунтирилмоқда.
20 август куни Беруний номли маҳаллада ҳам “Азиз ва ягонамсан, жонажон Ўзбекистоним” деган ғояни ўзида мужассам этган маънавий-маърифий тадбир бўлиб ўтди.
Тадбирда МФЙ ходимлари, фаоллари, аҳолиси, ҳудудда жойлашган корхона, ташкилотлар вакиллари иштирок этдилар.
Байрам тадбирини маҳалла оқсосоли Махсуд Жабборов очди ва барчани энг улуғ, энг азиз байрамимиз – мустақиллигимизнинг 27 йиллиги билан қутлади. Халқ таълими фахрийси Солий Собиров, 31-мактаб директори Нилуфар Давлетова, 9-сонли Болалар мусиқа ва санъат мактаби директори Йўлдош Обдоловлар барчани халқимиз ҳаётида янги саҳифа очган, эркин ва фаровон ҳаёт барпо этиш имконини берган мустақиллигимизнинг қадри, аҳамияти ҳақида гапирдилар ва барчани ана шундай улуғ айём тантанаси билан муборакбод этдилар.
Табриклар махсус тайёрланган мусиқий дастурга уланиб кетди.
Маданият бўлими ходимлари ва 9-сонли Болалар мусиқа ва санъат мактаби ўқувчилари ижро этган истиқлолни, бахтёр замонамизни улуғловчи куй-қўшиқлар барчага манзур бўлди.
Ойгул Ражабова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
