ҲАРБИЙ ХИЗМАТЧИЛАР ВА УЛАРНИНГ ОИЛА АЪЗОЛАРИ ТИББИЙ КЎРИКДАН ЎТКАЗИЛДИ
Диёримиз сарҳадларини жасур ва мард ҳарбийлар туну-кун сергак туриб қўриқлайди. Ватанга кўксини қалқон қилаётган юрт ҳимоячилари буни муқаддас бурч деб билиб, шараф билан адо этади.
Давлатимиз томонидан ўз навбатида ҳарбий хизматчилар ва оила аъзолари қўллаб-қувватланиб, улар учун зарур шарт-шароитлар яратишга алоҳида эътибор қаратилмоқда. Уларга оила аъзолари билан биргаликда яшашлари учун барча шароитларга эга хизмат уйлари қуриб берилди. Хизмат вазифаларини адо этиш билан бирга маданий ва маърифий ҳордиқ чиқаришлари учун ҳарбий қисмларда дам олиш хоналари, кутубхоналар ташкил этилди. Шунингдек, ҳарбийларнинг нафақат ўзлари, балки оила аъзоларининг ҳам саломатликларини назорат қилиб туриш мақсадида мунтазам тиббий кўрик ўтказилиб турилади.
Тумандаги чегара қўшинлари бўлинмалари, яъни 9202 “К” ва “Д” ҳарбий қисмлари ҳарбий хизматчилари ва уларнинг оила аъзолари Марказий поликлиника шифокорлари томонидан навбатдаги чуқурлаштирилган тиббий кўрикдан ўтказилди. Тиббий кўрик давомида ҳарбий хизматчилар, уларнинг рафиқалари ва фарзандлари лаборатор таҳлиллар топшириб, ҳар бир мутахассис шифокор кўригида текширувдан ўтдилар.
Тиббий кўрик давомида шифокорлар томонидан саломатликни мустаҳкамлашга доир зарур муолажалар ва профилактик чора-тадбирлар тавсия қилинди.
Ҳарбий хизматчилар ва уларнинг оила аъзолари давлатимиз томонидан кўрсатилаётган бундай эътибор ва ғамхўрликдан ниҳоятда мамнун бўлдилар.
Э.АЛЯМИНОВ, 9202 ҳарбий қисм сержанти.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
