Халқ қабулхонаси – ХАЛҚ БИЛАН ДАВЛАТ ЎРТАСИДАГИ КЎПРИК

Жорий йилнинг ўтган олти ойи мобайнида туман Ҳалқ қабулхонасига фуқаролар томонидан 243 та мурожаат келиб тушди. Шундан 85 та мурожаат Халқ қабулхонаси томонидан кўриб чиқилди, 144 таси туман ҳудудидаги идора ва ташкилотларга, 14 таси ўрганиб чиқиш ва муаммоларни бартараф этиш учун юқори ташкилотларга юборилди.

Шундан 24 фуқаро прокуратура фаолияти бўйича, 8 нафар фуқаро алимент масаласида, 6 нафар фуқаро суд ижроси бўйича, 15 нафар фуқаро пенсия ва нафақалар бўйича, 11 нафар фуқаро уй-жой ва ер участкалари бўйича, 23 нафар фуқаро иш ўринлари бўйича, 13 фуқаро табиий газ, 17 нафар фуқаро электр энергияси таъминоти бўйича ва 20 нафар фуқаро моддий ёрдам олиш бўйича мурожаат қилишган.

Йил бошидан ҳозирги кунга қадар шу мурожаатлардан 74 таси тўла қаноатлантирилди, 79 таси ҳуқуқий маслаҳат ва маълумот бериш орқали ҳал этилди. 38 та мурожаат асосли деб топилиб, ҳал этилиши учун қўшимча ҳужжат, муддат ва ўрганиш талаб этиладиган мурожаатлар қаторига киритилди ҳамда 30 нафар фуқаронинг мурожаати атрофлича ўрганилиб, улар бўйича зарур тушунчалар берилди.

Ўтган олти ой давомида Халқ қабулхонаси томонидан 66 та турли мавзудаги тадбирлар ўтказилди. Туман ҳокими Султонбой Йўлдашев халқ орасига кириб, овул ва маҳалла фуқаролар йиғинларида 34 марта сайёр қабуллар ўтказди.