ЁШЛАР БАЙРАМ КЕЧАСИДА КЎНГИЛЛИ ҲОРДИҚ ЧИҚАРИБ, МАЪНАВИЙ ОЗУҚА ОЛДИ
Мамлакатимиз Президенти Ш.Мирзиёевнинг 2017 йил 5 июлдаги “Ёшларга оид давлат сиёсати самарадорлигини ошириш ва Ўзбекистон ёшлар иттифоқи фаолиятини қўллаб-қувватлаш тўғрисида”ги Фармонига асосан 30 июнь – Ёшлар куни сифатида белгиланган.
Бир неча кундирки, Амударё туманида ҳам иттифоқ ташкил этилганлигининг бир йиллигини муносиб нишонлаш мақсадида қатор маънавий-маърифий, спорт тадбирлари бўлиб ўтмоқда.
28 июнь куни туман Маданият бўлими томошалар залида Ёшлар иттифоқи туман Кенгаши, туман Маданият бўлими ҳамкорлигида “Барча ёшлар эътибор марказимизда” деб номланган байрам кечаси ўтказилди.
Тадбирга туманимизнинг барча ҳудудларидан 170 нафардан зиёд ёшлар қамраб олинди.
Ёшларнинг бўш вақтларини мазмунли ўтказиш, уларни туманимизда вояга етаётган, санъат оламига дадил кириб келаётган ёш санъаткорлар ижоди билан яқиндан таништириш ва умидли хонанда Икромжон Сейтимов дилрабо қўшиқларидан баҳраманд қилиш мақсадида ўтказилган тадбирда иштирокчилар туманимизда фаолият кўрсатаётган 9- ва 21-сонли мусиқа мактаблари иқтидорли ўқувчилари, “Жайхун” қувноқлар ва зукколар жамоасининг ҳар бир чиқишини мароқ билан томоша қилдилар, тенгдош ёшларнинг ижоди билан танишиб, юқори баҳо бердилар. Айниқса, “Жайхун” ҚВЗ жамоаси намойиш этган ёшлар ҳаётига оид кучли юморга бой лавҳалар барчада чуқур таассуротлар қолдирди.
Санъат ихлосмандларини ўзи сози, овози билан хушнуд этиб келаётган Икромжон Сийтимов ижро этган қўшиқлар ҳам барчага бирдай манзур бўлди.
Санъат ҳам тарбия воситаси. Ёшлар куни ташкил этилганлигининг бир йиллиги муносабати билан ўтказилган “Барча ёшлар эътибор марказимизда” дея номланган байрам кечасида ижро этилган ҳар бир қўшиқ, саҳна кўринишлари ҳам иштирокчи ёшлар учун маънавият дарси бўлди, десак адашмаймиз.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
