YoShLAR BAYRAM KEChASIDA KOʻNGILLI HORDIQ ChIQARIB, MAʼNAVIY OZUQA OLDI
Mamlakatimiz Prezidenti Sh.Mirziyoyevning 2017-yil 5-iyuldagi “Yoshlarga oid davlat siyosati samaradorligini oshirish va Oʻzbekiston yoshlar ittifoqi faoliyatini qoʻllab-quvvatlash toʻgʻrisida”gi Farmoniga asosan 30-iyun – Yoshlar kuni sifatida belgilangan.
Bir necha kundirki, Amudaryo tumanida ham ittifoq tashkil etilganligining bir yilligini munosib nishonlash maqsadida qator maʼnaviy-maʼrifiy, sport tadbirlari boʻlib oʻtmoqda.
28-iyun kuni tuman Madaniyat boʻlimi tomoshalar zalida Yoshlar ittifoqi tuman Kengashi, tuman Madaniyat boʻlimi hamkorligida “Barcha yoshlar eʼtibor markazimizda” deb nomlangan bayram kechasi oʻtkazildi.
Tadbirga tumanimizning barcha hududlaridan 170 nafardan ziyod yoshlar qamrab olindi.
Yoshlarning boʻsh vaqtlarini mazmunli oʻtkazish, ularni tumanimizda voyaga yetayotgan, sanʼat olamiga dadil kirib kelayotgan yosh sanʼatkorlar ijodi bilan yaqindan tanishtirish va umidli xonanda Ikromjon Seytimov dilrabo qoʻshiqlaridan bahramand qilish maqsadida oʻtkazilgan tadbirda ishtirokchilar tumanimizda faoliyat koʻrsatayotgan 9- va 21-sonli musiqa maktablari iqtidorli oʻquvchilari, “Jayxun” quvnoqlar va zukkolar jamoasining har bir chiqishini maroq bilan tomosha qildilar, tengdosh yoshlarning ijodi bilan tanishib, yuqori baho berdilar. Ayniqsa, “Jayxun” QVZ jamoasi namoyish etgan yoshlar hayotiga oid kuchli yumorga boy lavhalar barchada chuqur taassurotlar qoldirdi.
Sanʼat ixlosmandlarini oʻzi sozi, ovozi bilan xushnud etib kelayotgan Ikromjon Siytimov ijro etgan qoʻshiqlar ham barchaga birday manzur boʻldi.
Sanʼat ham tarbiya vositasi. Yoshlar kuni tashkil etilganligining bir yilligi munosabati bilan oʻtkazilgan “Barcha yoshlar eʼtibor markazimizda” deya nomlangan bayram kechasida ijro etilgan har bir qoʻshiq, sahna koʻrinishlari ham ishtirokchi yoshlar uchun maʼnaviyat darsi boʻldi, desak adashmaymiz.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
