КИТОБЛАРИМИЗ ЁШЛАР ТАРБИЯСИГА ХИЗМАТ ҚИЛСИН!
Китоблар замон тўлқинларида сузувчи ва ўзининг қимматбаҳо юкини авлоддан-авлодларга авайлаб элтувчи тафаккур кемаларидир, – деган эди Ф.Бэкон.
Амударё телеканали орқали “Тараққиёт кўзгуси” газетаси таҳририяти ва “Жайхун илҳомлари” ННТ ҳамкорлигида “Оммавий китобхонлик” ойлигининг ўтказилаётганини эшитиб, жуда қувондим. Чунки ойлик туманимиз ёшлари орасида китоб мутолааси оммавийлигига ўз ҳиссасини қўшиши шубҳасиз. Китоб мутолааси эса ўқувчига ҳаётда ўз ўрнини топишида беминнат кўмакчи бўлади.
Мени икки йилдан бери ННТ қошидаги кутубхонага аъзоман, тез-тез келиб тураман. Шу жараёнда кўплаб ўқувчи ёшларнинг ҳам келиб, турли китобларни танлаб олаётганининг гувоҳи бўлганман.
Шуни эътиборга олиб, ўзимнинг йиллар давомида йиққан, бироқ ҳозир ўқилмай, токчада турган бир нечта китобларимни кутубхонага совға қилишга аҳд қилдим. Чунки ўқилмай турса, ҳар қандай дурдона асарнинг ҳам элга нафи тегмайди.
Туманимизнинг барча аҳолисини кутубхонага китоб совға қилишдек эзгу ишга бош қўшишга чорлаб қоламан. Ахир ота-боболаримиз қатра-қатра йиғилиб дарё бўлур, дейишган.
Солий СОБИРОВ,
таълим фахрийси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
